ناويه اسير وايلد وادي ها الاسبوع .. بس وحده قالتلي ان الي في الفنادق يقدرون يشوفون شو داخل .. مع ان صديقتي باصمتلي بالعشره ان ما ينشاف شي في الليل لانها اداوم في نادي الصوان المطل على الحديقه و تقول ما ينشاف شي خصه انهم يسكرون الليتات
ما ادري و الله بديت اشك .. و انا ودي اسير و اودي الصغاريه
لان مره كنا في جميرا بيج تنمشى و نقدر نشوف داخل وايلد والدي اللي يتسبحون..مادري جان سكروه بس ما اتوقع
و بالاضافه اللي في غرف برج العرب يقدرون يشوفون و الله يخلي الزوم اللي في الكيمرا
في الليل حريم اوكي و مكتوب ان التلفونات بكيمرة ممنوعة
لكن في المرة الوحيدة اللي سرت و كل البنات و الحريم بلبس البحر اشوفلج وحدة شكلها غلط تمشي و ماسكة موبايلها بطريقة مريبة حسبي الله عليها ان كانت اتصور .
و بعدين يوم سرنا صوب المطعم و يمنا على طول برج العرب وحدة من دول المغرب ماسكة موبايلها عيني عينك و تصور عاد انا انقهرت سرت كلمتها قتلها : لو سمحتي شتصورين كنتي انا كنت ماره هالصوب ووووووو و يت امها حرمة محجبة المهم تمت تحلف انها اتصور برج العرب و امها يلست تقول احنا بعد محجبين و ما نسوي جي
الصراحة يبالهم شرطيات هناك لان ماتظمنين تلاقين صورج بالمايو بسبب قلة التدقيق في هالاشيا
مع ان خاطري اسير مرة ثانية لان عالم ثاني و روووعة