:: شو فايدة بطاقة الضمان الصحي؟؟::

بسم الله الرحمن الرحيم
السلام عليكم ورحمة الله وبركاته..

خواتي عندي بطاقة ضمان صحي من ادنوك.. بس ابغي استفسر شو فايدته؟؟ للحين ما جربته..

يعني لو ابغي اتعالج في مستشفى خاص شو مميزاته؟؟
مثلا انا اراجع في حملي في مستشفى خاص.. شو راح يصير؟

المهم ابغي اي معلومات تعرفونه عن مميزاته وعيوبه بعد

وجزاك الله خير
أختكم في االله

حلم دبي

افا .. ولا وحدة ردت علي؟!!!!!!!!
غريبة يعن يمحد سمع عنها او يستخدمها!
ولا لأني عضوة جديدة محد مسويلي سالفة

اللي ما تعرف ترد علي على الاقل وتقول ما اعرف ..

في امان الله

هلا اختي حلم دبي افا عليج لا تزعلين والله ما اعرف عن بطاقة الضمان الصحي انشالله البنات ايفيدونج

انا سمعت عنها يوم تسيرين تتعالجين في عياده خاصه تدفعين بس 40 درهم شامل للعلاج كامل بس ما ترومين تستخدمين هذى البطاقه في عيادات الأسنان

حبوبه هاي البطاقه تخليج تتعالجين في اكثر من مكان في الدوله ليش ما عطوج الكتيب اللي يشرح كل شي؟؟
انا اشوف انه صراحه ينفع الناس اللي بسم الله علينا دوم تعبانين وادويتهم غاليه
يعني مثلا عدنا واحد عنده كلوسترول يدفع 20% من قيمة الادويه بس
انشالله ما تحتاجينها

الغاليه انا بعد عندي بطاقة التأمين الصحي..

وهم يعطونج لسته بالمستشفيات الي تتعامل معاها شركات التأمين …..

يعني يحسبون عليج شي رمزي 50 درهم …ولازم يكون على حسب البطاقه انا بطاقة عليها رمز aيعني تتحمل اغلبية العلاج وانا اتحمل شي بسيط ..

وبالنسبه للحوامل يكونون حاطين لج ليمت معين مثلا 5000 مع الولاده والمراجعات يعني راجعي بالحكومه وربي بالخاص او العكس راجعي بالخاص وربي بالحكومه …..

تدفعين بس مبلغ رمزي يوم تسرين العيادات الخاصه … اهم شي تراونهم البطاقه قبل لا تدخلين عند الدكتور وبعدين يو تطلعين تدفعين 25 او اكثر ما ادري بغيت اصحح كلام الاخت الي قالت فوق علاج الاسنان شامل بس السوالف التجميليه ما يدفعون لج