.
. اليوم على الفطور سويت صينية باشميل .. و دجاج بالسبانخ …
المقادير حق المعكرونه
دجاج مسلوق و مقطع
فطر مقطع قطع صغار
معكرونه مسلوقه
جبن تشيدر مبشور
حبة مكعب ماجي
و شوية كزبرة
ملح
بهار
قطعة زبدة صغيرة
وصلصة باشاميل أنا استخدم الجاهزة بس اصبها في الحليب و افورها
الطريقة
أيبيب الزبدة و احطها في المقلاة .. و اضع الدجاج و احمره و اضع الفطر معاه و احمسهم مع رشة بهار و ملح بصورة بسيطة و ممكن تستغنين عنهم لان الماجي فيه ملح …
و اييب الكزبرة و مكعب ماجي و اخلطهم مع الدجاج و الفطر و بعدين احط المعكرونه المسلوقه
و اخلطهم … و بعدين احط صلصة الباشاميل و اخلطهم و احط الشيدر آخر شي
و بعدين احط الخلطه في صواني الفرن الصغيرة اللي حق كل شخص بروحه و احطهم بالفرن لين ما يحمر الويه
طبعاُ دجاج مفور و مقطع
كيس سبانخ مجمده
بصل مقطع
زيت زيتون
سماق
عصير ليمونه
فص ثوم مدقوق
ملح و بهار
الطريقة
أحط الزيت و و احمس البصل و الثوم و بعدين احط الدجاج و احمره و ارش عليهم ملح و فلفل اسود و احط ملعقة طعام سماق
… و بعدين احط فوقهم السبانخ و اغطي عليهم لين ما ينضج السبانخ و آخر شي اصب عليهم عصير الليمون و ممكن احمر صنوبر و ارشهم فوق الطبق
و قدمت الاطباق مع متبل باذنجان و روب بالخيار و سلطه و خبز و سويت عيش بروحه
و هذا فطورنا اليوم
اثاااريج ظهرتي طبااخة وانا ما اعرف
ما شاء الله علييييييييييج
تسلم ايديج
مطرح ما يسري يمري
تسلم الايادي
تسلم الأيادي والله أكثر من روعة