مرحبا خواتي اللي يشتغلون في وزارة الداخلية اكيد قريتوا القرار الاداري اللي صدر الاسبوع الماضي طبعا يشتمل على اشياء وايدة كلها ok مثل ( عدم لبس الخوام والحلق المتديلة ، عدم لبس الملابس الضيقة ، عدم المبالغة بالحناء ، الخ ….. ) إلا سالفة النقاب مسوي لي غضه شو دخل النقاب بالشغل بدل ما يشوفون اللي يسون عرض ازياء بالعبي وغيره وغيره وغيرررره يو للستر والحشمة الله المستعان . كيف بداوم من غير نقاب وصار لي 8 سنوات معاهم وانا بالنقاب وخاصة اني لابسة النقاب بقرار من نفسي ومافي حد جبرني عليه والله اني محتاااارة وقررت اني انهي خدماتي بس فكرت كيف بعيش من غير راتب خاصة واني المعيلة الوحيدة على نفسي لا عندي ابو او ريل او اخو عسب اعتمد عليهم بالمصاريف ارجووووكم عطوني حل . لا تقولون لي انتقلي من قسمج وابدائي معاهم الدوام من غير نقاب لاني اتعامل مع جميع الاقسام تقريبا وكلهم يعرفوني . الحل الوحيد اللي يدور في بالي انا نرفع كتاب باسم جميع المنقبات الى الجهات العليا في الوزارة عله وعسى يرأفون بحالنا
قوليلهم انا موظفه قديمه لزم ما تطبقون عليه القرار لان من زمان وانا اشتغل وهذا القرار نازل للي بيون بعدي وان مانعينهم من النقااااااااااااب وتفاهمي وياهم وات شاء الله ايبولج نتيجه والله يوفقج
حتى الحنا صار ممنووووووووووع !!!!! هههههههه والله سالفة … باجر بيقولون خلوا أنوثتكم في البيت و تعالوا داوموا لوووووول طيب اللي عرست ماتتحنا ؟؟؟ و إلا بس تحني الروايب !!!!!
المشاركة الأصلية كتبت بواسطة اماراتيه 
قوليلهم انا موظفه قديمه لزم ما تطبقون عليه القرار لان من زمان وانا اشتغل وهذا القرار نازل للي بيون بعدي وان مانعينهم من النقااااااااااااب وتفاهمي وياهم وات شاء الله ايبولج نتيجه والله يوفقج
كلام غير منطقي
,اوكي بس الحنا ليش !!
والنقاب المفروض مايمنعونه هذه حريه شخصيه !! خاصه لو وحده تداوم من سنين وعقب تشيل النقاب !! وايد صعب والله
هيه والله هالقرار عندنا بعد
الله يعينهم والله غمضوني المتنقبات عندنا
حتى الشباب الملتزمين وحليلهم ما يبونهم باللحية
الله يعينكم
لو ترفعون كتاب مثل ما قلتي عل وعسى ربي يهديهم
مااردي شو هالقرارت اللي منزلينها عن النقاب و اللحيه وماعرف شو وراهم الله يستر الله مادري حرام ولا عيب لو الوحده تنقب الله يعينج حاولي انج ادورين وظيفه ثانيه