شو هديتي ريلج في ليله الدخله أوصباحيتكم؟ وشو كانت ردة فعله؟

السلام عليكم

خواتي فديتكن طلبت رايكن في………..

أول ليله او الصباحيه هل العروس تكون محظره هديه لزوجها

اسمحولي انا اكبر خواتي واستحي اسأل حد من الأهل فقلت بسألكن يمكن تساعدني

لان خاطري اشتريله شي وأنا اتزهب وتعرفون الرياييل صعب تحصلين الهم هدايا

واللي سوت لريلها هديه في هالليله تقولنا شو هي وشو كانت ردة فعله

يمكن اسرق شي من افكاركم لان عقلي مقفل ألحين ما أقدر أفكر ملتهيه بستعدادات العرس

واسمحولي …..

شكرا ام ركان يزاج الله ألف خير

انا هديت ريلي ساعة غالية و كنت شارية نفس الماركة لعمري.
و هديته الصبح قبل ما نسافر و هو ما ياب لي شي ، لانه ما يعرف في هالسوالف.

نحن عندنا الريال هو اللي يهدي الحرمه ^__^

وانا احس هو الصح … زود دلال

عشان لا يتخقق ويتحرى اني بموت عليه من اولها … هو اللي بيموت عليه خخخخخخ

مادري بس نحن عندنا جيه … يعني عيب يمكن !!

المهم انا وانا اشتري اغراضي اشتريت له اغراض بس ما عطيته اياهن اول مره وخليتهن كجزء من زهبتي يعني من ضمن عطوري عكور رجاليه وملطفات رجاليه ومن ضمن المناشف بعد اخذت ارواب لي وله طقم وحركات جيه بس مب هديه بمعنى الكلمه اقدمها له في اول يوم

والسموحه

لا انا ولا هو ……اهم شي انه الله جمعنا مع بعض ويسر امور زواجنا..

حلو والله يا حزن وربي يبعد عنج الحزن

مشكوره ع مرورج وردج

ادري وهو المتعارف عليه انه الريال يبدا بهالشي
بس ما فيه عيب اذا البنيه بدت هذا ريلها وبالعكس بيستانس ودوم بيذكر هالشي

تسلمين فديتج ع المرور والرد