أولا : كل عام و انتم بخير بمناسبة قرب شهر الخير و العبادة
ثانيا: بغيت كل وحده تخبرنا عن روتين الافطار اللي تتبعه في البيت ويا العايلة
يعني..
قبل الأذان شو اللي تجهزونه على السفرة؟ تحطون كل شي سويتوه ؟ و الا الاطباق تكون مقسمة, مثلا شي بين الاذان و صلاة المغرب و شي بعد صلاة المغرب و شي بعد صلاة العشا؟؟؟
طبعا بخبركم عننا في البدايه .. قبل كنا نحط كل شي سويناه على السفره .. وعاد يااااااااااااااااااالله ما نقوم من على السفرة الا و المعده ما بقى منها غير سنتيمتر واحد حق الهوا خخخخ .. طبعا هالشي غلط .. لان الصلاة تكون ثجيلة على الواحد اذا كثر من الاكل .. و هالشي مب صحي بعد
فقررنا العام اننا في البداية( يعني بين الاذان و الصلاة) : نفطر على لبن و تمر و ماي فقط .. و عقب الصلاة نتيمع مرة ثانية و نجهز السفرة لين ما الرياييل يردون من المسيد و ناكل كل ما جادت به السفرة
بس هاي السنة عندي اقتراح ثاني, و هو:
(بين الاذان و صلاة المغرب) نفطر على تمر و لبن و ماي
(بعد صلاة المغرب) ناكل الخفايف و الحلويات ولا نكثر منها او نوصل لمرحلة الشبع " عشان نريح المعده و ما نثجلها لأن ورانا صلاة التراويح
(بعد صلاة التراويح) هجوووم على الاطباق الرئيسية و بيكون بمثابة العشا .. حتى ما بيكون له داعي تاكلون شي عالسحور .. بس شرب الماي بيكفي
الحين يا دوركم … شو روتينكم؟ و هل بتغيرونه؟
نحن العادة لما نفطر المغرب نفطر لبن وتمر وماي وشوية فواكه تبرد ع القلب خخخخخخ وبس
وبعد صلاة المغرب نفرش السفرة ونأتي بحصاد اليوم <<< الاطباق الرئيسية
وبعد التراويح نحلي بالسويتات
وما يبقى لنا غير السحووووووووووور
وبث^-^
بين الاذان و صلاة المغرب) نفطر على تمر و لبن و ماي
(بعد صلاة المغرب) الخفايف وخلاص ما ناكل شىء اه ما شئ مكان لحد
(بعد صلاة التراويح) الاطباق الرئيسية واخر الليل نحلي
وأفكر اني أطبقه هالسنه ان الله كتبلنا فيه عمر
لن الاكل مره وحده يدوخ لول
المشاركة الأصلية كتبت بواسطة رزينة بطبعي 
نحن العادة لما نفطر المغرب نفطر لبن وتمر وماي وشوية فواكه تبرد ع القلب خخخخخخ وبس
وبعد صلاة المغرب نفرش السفرة ونأتي بحصاد اليوم <<< الاطباق الرئيسية
وبعد التراويح نحلي بالسويتات
وما يبقى لنا غير السحووووووووووور
وبث^-^
نورتي الموضوع عزيزتي رزينة بطبعي .. يسعدني أكثر ردج على موضوعي 
ما شاءالله يعني نظامكم نفس اللي قمنا نتبعه من العام .. والله احسن من الاكل مره وحده .. بس مرات الواحد ما يقاوم الاكل خخخخ
المشاركة الأصلية كتبت بواسطة آهـــات الصمت بين الاذان و صلاة المغرب) نفطر على تمر و لبن و ماي
(بعد صلاة المغرب) الخفايف وخلاص ما ناكل شىء اه ما شئ مكان لحد
(بعد صلاة التراويح) الاطباق الرئيسية واخر الليل نحلي
مرحبا عزيزتي آهات الصمت و مشكووورة على الرد .. يااااا سلام عليكم .. نفس اقتراحي حق هالسنه .. شجعتيني الصراحه اني خلاص اطرح الفكره على العايله
المشاركة الأصلية كتبت بواسطة ०｡•❀ělěgαит وأفكر اني أطبقه هالسنه ان الله كتبلنا فيه عمر
لن الاكل مره وحده يدوخ لول
هههههه هيه والله صدقج اختي .. تصلين وانتي مسطططلة على الآخر .. بس ان شاء الله ما نلقى معارضات في البيت
يزاكم الله خير على المشاركة .. ووين باجي الردود .. تره ما يباله شي .. شاركونا و خبرونا عن نظامكم .. يمكن من خلال ردودكم تشجعون حد انه يعدل نظامه
بس نحن مانخلي شي..
وعقب نحط لهم مره ثانيه ههههههههه
بس الحين خلاص قررنا
بين الاذان والصلاه تمر ولبن ووجلي وكريم كراميل ..
وعقب نحط كل شي..
عاد الله يستر من البطووون ههههههه واكيد اول يوم كل شي ومانخلي شي مانسويه من اليووع هههه
الله يبلغنـأ رمضان وعبادته وخير.. ويغفر لنا وجميع المسلمين…يارب..
نحن ناكل تمر ونشرب لبن عقب نروح نصلي ونجهز الوجبات الرئيسيه لين الرياييل من المسيد>>>>>>>اممممممم عقب يستوي الهجوم وحشره تصير هههههههه جنه مب شايفين خيير هع بس ونااااااسه
عقب التراويح يتيمعون رياييل الفريج(يسوون برزه)هع ويحلون وجي
عقب يخلصون ايي دورالحريم عاد مايصدقون هههههههههه لي ونحن البنات نتيمع نلعب بالفريج ونراكض براحتنا>>>لن كللل الرياييل يكونون برع هالحزه>>وربي ونااااسه
بس للاسف هالسنه برمض برع لبلاد قهر والله
الله كريييييم