شو هي مستلزمات طفل الروضة؟؟

السلام عليكم ورحمة الله وبركاته

مساء الخير خواتي

ولدي بيروح kg1 هالسنة وبعدني ما جهزته ولا اشترت له شي بس مخططة اشتري له التالي:
زلاغات
جوتي اسود + جوتي رياضة
مطارة ماي + لنش بوكس
شنطة صغيرة سحابية
اقلام رصاص ومساحات وبرايات
الوان خشبية

من خبراتكم هل في شي ناقصني ؟

وعليكم السلام والرحمة
اختي الملابس اليونيفورم أهم شي ممكن تحتاج تعديل في القياس ومن الحين الناس زحمة
القرطاسية ممكن حق البيت في الغالب لأن الروضة توفره لهم في الصف
بعد خذي قبعة كاب مناسبة للبس الرياضة
Ice pack عشان تحطينه في شنطة الاكل ومايفسد من الحر
قلم CD عشان تكتبين اسم الولد وصفّه على اغراضه

اذا الروضة ماتوفر بطاقة عليها اسم الولد انتي اشتري وحدة كتبي عليه اسمه الكامل واسم مدرسته واي منطقة السكن ورقم التلفون حق الطوارئ، الله يحفظه بس انا اسوي جذي

جزاج الله خير حبيت فكرة البطاقة

للرفع

اللهم ما امسی بي من نعمة او باحد من خلقك فمنك وحدك لاشريك لك فلك الحمد ولك الشكر

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر

للرفع …. ارجو الافادة خواتي ترا مأجورات على الرد

انا خذت ل بنتي لانش بوكس .. شنطة .. شوز اسود .. ذلاغات و هلاهوب ابيض .. وعطر باربي ^^
اما الالوان والاقلام سمعت ان اول ايام راح يعطونها ورقة مكتوب شو يبون من اقلام و صلصال فقلت ما بستعيل من الحين
حتى جوتي الرياضه قلت عقب باخذة وووووبس