اختي اتقول ريلها يزنننننن عليها عن زواج المسيار وهي اتقوله انت ليش امعور راسك شو وراك يقولها لا بس ابا اتأكد صج حلال لان ربعي يقولون خلاص زواج المسيار امحلل واللي يبا يعرس عادي ومادري شو
شووووووو يعني زواج مسيار الله يستر باجر بيقولون زواج المتعه بعد حلال
المسيار يعني الزوجة تقبل بالزواج فقط من غير حقوق
يعني اتم في بيت اهلها ومتى ما يبي الريال ايي ويزورها .. وطبعا ما يتكفل بأي مصروف ولا اي شي
وبعد ما يحق لها اتقوله تعال اليوم ولا تم عندي الليلة …. هو اللي يقرر
وبعدين دام اختج متزوجة … ريلها شو يبا بالمسيار .. اعوذ بالله من هالاشيا الدخيلة علينا
والله يستر علينا ..
هههههههههههههههههه
امزح .. بس والله ما اعرف وش معناته .. بس اللي اعرفه انه نفس العرفي
الا عندي سوااااال
يوم هي متزوجة به .. ايش عنه يسأل هالسوال
ليكون يبى يعرس عليها .. وقاعد يستفتيهااا خخخخخخخخ
اول مرة اعرف عن هالزواج .!!!!
اغلب الناس عندهم فكرة غلط عن زواج المسيار
زواج المسيار حاله حال الزواج العادي
فيه موافقة ولي امر ،، شهود ،، قاضي ،،، مهر ،،، عرس .. الخ
بس الفرق الوحيد انه يكون في اتفاق بين الرجل و المرأة حول المبيت
يعني الريال ما يبات عند الحرمه كل يوم ،،، زيارته لها ممكن تكون خلال النهار فقط ،،، ممكن يزورها في اليوم ساعتين بس ،، مب يالس عندها 24 ساعة
ها الفرق بين المسيار و الزواج العادي
اغلب اللي يتزوجن مسيار يكونن مطلقات او ارامل ،، و عندهن اطفال ،، و الريال ما يقدر يسكن الحرمه و عيالها في بيته ،، ف اتم اهي و عيالها في مكان سكنهم ،، بيتها ،، او يأجر لها شقه .. الخ
و اغلب الرياييل اللي يتزوجون مسيار يكونون متزوجين او يبون يعيشون بحرية اكثر ،، يعني ماشي حرمة تيلس فوق راسه وين سرت وليش ياي متاخر
بالنسبة للنفقة ،، و اذا يابوا عيال ،، هذي تكون مسؤولية الزوج
وبالنسبة للمصروف اليومي للزوجة ،، من حقها تاخذ مصروف ،، او تتنازل عنه ،، حسب الاتفاق بينهم
خلاصة الكلام ،، المسيار زواج حاله حال اي زواج ،، بس فيه تنازلات من قبل الزوجة عن بعض الحقوق بسبب بعض الظروف،، و بالمقابل اهي تاخذ حقها الشرعي من الرجل بدون الوقوع في الحرام