شيلوها عن عيوني غصيبه تكفون خذوها من يديني chese cake

هلا عزيزاتي العضوات وكل ضيوف قسم الحلويات …

اليووووم عااد شي غير ومميز وبالصور مع الشرح وكله من تصويري ووصفتي المعتمدة تعبت واايد وانا اطبق واصور وان شاء الله ينال اعجابكم…

وصفتي اليوم التشيز كيك ينفع للتوزيعات أو للعزايم وااايد لذيذ يعني كلي حبة واضمن وراها ثانية ^^

وماراح تقدرين ما تاكلين غيرها وبتقولين شيلوها عن عيوني غصيبه هع ..
نبدأ الوصفة تتكون من ثلاث طبقات لو جهزتي كل شي راح تخلصينه بسرعة ..

صورة جماعية للمقادير كلها :

الطبقة 1 :

[SIZE="6"]المقاير: ا ونص علبة بسكويت مربعات اولكر نطحنه بالمكينة +150 غرام زبدة صورة للمقادير:

صورة للبسكوت المطحون:

نضيف له الزبدة وتكون مذابة بدرجة حرارة الغرفة مب سائلة لينة يعني لما تضغطين عليها فيها ليونه ..

ونبدأ نعجن:

ونعجن كمان وبتلاحظن انها بدأت تتماسك ما نضيف كل الزبدة شوي شوي ويمكن شوي تزيد الزبدة أو تحتاجين لأكثر شوي

متماسكة ولازقة ببعضها :

صورة أقرب:

نحتاج لصينية معدنية وهذي صورة لها:

نحط كمية البسكوت مع الزبدة فيها :

ونبدأ نساويهم بالايد او ملعقة او شي مستقيم مثلل مسطرة او بأي شي:

وبجذي انتهينا من الطبقة الأولى نحطها ع صوب ونبدأ نشتغل بالطبقة 2..

الطبقة 2:

مقادير الطبقة الثانية:
9-حبات جبن كيري
1 عبلة كبيرة حليب مركز محلى
1 علبة قشطة
صورة للمقاير:

نضعهم كلهم في خلاط العصير ونخليهم يختلطون لحد ما يمتزجون مع بعض:

الجبن في الخلاط ^^^^

ونحط عليه الحليب والقشطة:

نسكبه على الطبقة الأولى :

الشكل النهائي له:

وانتبهوا هذي اهم طبقة اذا ما استوت عدل خلاص يخترب السويت كله ..
قبل لا نصبه على اطبقة 1 نشغل الفرن حتى بس من 5 دقايق قبل
يوضع في الفرن على درجة 170 او 180 ونشغله من تحت نحط الصينية ونحط الوقت لمدة 30 دقيقة بالضبط ولما يرن نشغل من فوق لمدة 5 دقايق بالضبط وطبعا تراقبونها عشان ما تحترق ..

وانكمل الحصة الياية بصور ما بعد الفرن والطبقة الأخيرة خليجية
الصرااحه اوجه الشكر الكبير للشيف شوكولاتة هذي اول مرة اصور وصفة بالطرق وطبعا لعيونكم وصورتها بالطرق كلها وعقب انزلهم واصغرهم ..
وشيف شوكولاتة ماشاء الله كل هالمواضيع صج جهود متعوب عليها ..

انتظروني بالطبقة الأخيرة وصور الفرن..

شموخي حطمهمـ

خليجية

ودخلت صينيتنا الحبيبة الفرن حراام بتتعور هع :

وطلعناها من الفرن:

لاحظوا كيف الحواف بنية يدل انها استوت واستخدمي العود الخشبي او السكين للتأكد من انها استوت من الداخل

ندخلها الثلاجة ونبدأ نسوي الطبقة 3..

الطبقة 3:

المقادير:
1-كوب طويل مملوء ماء يضاف له 4 ملاعق حليب نديو ويخلط جيدا
1-ملعقة طعام بيكن بودر
1 ونص -ملعقة طعام بودرة الككاو البرتقالية
1-ظرف كريم كراميل الأصفر
صور للمقادير:

وصورة الظرف هذا هو وهذي علبته الأصلية:

[COLOR="Black"][SIZE="5"][FONT="Palatino Linotype"]الملعقة المستخدمة:

الكوب المستخدم:

نبدأ نملأ الكوب كامل ماء ونضيف له (4) ملاعق نيدو ونفس الملقعة اللي فوق:

طبعاً نمزج النيدو مع الماء عشان لما نضيف عقب مواد ما تتكل وتستوي قطع وتخرب الشكل ..

صورة للحليب +ملعقة البيكن بودر+بودرة الككاو +ظرف الكريم كراميل:

وكمية الككاو لو حبيتوا يطلع أغمق زيدوا نص ملعقة ..
يوضع في جدر على نار هادئة ويوضع الحليب ولازم مثل ما قلت الحليب مع الماء يمزج قبل الوضع في الجدر
[url=https://www.0zz0.com] خليجية [/url[