خواتي من وين ممكن ألاقي صابون البابايا الأصلية في دبي ؟
روحى العطااار الايرانى اللى تحت الدور الارضى قبال البيبى شوب..
تلاقين عنده اللى يخطر ببالج واللى مايخطر الله يستر عليه ههه…اخذى منه الصابونه اللى تكون من داخل قطع..
يعنى تبين من داخل قطع البابايا مربعاات ياليت تكونين فهمتى على..
لانى اكتشفت انه هاااى اللى تكون اصليه..ان شاء الله اكون افدتج..
واضن سعرهاا مايتعدى العشر دراااهم.
المشاركة الأصلية كتبت بواسطة ام الوجود 
يختي هالصابون ساااالفة
اول مرة رحت كارفور وخذتها وكان مكتوب عليها Likas .. وحدة من المنتدى قالت هاي مب اصلية وفريتها
عقب رحت العطارة وخذت لي صابونه ثانية برتقالية وشفافة وداخلها قطع .. قلت اكيد هاي الاصلية .. ويوم ييت المنتدى قريت وحدة كاتبة اونه الاصلية صنع الفلبين وعلى الكرتونه ستكر يلامع مكتوب عليه الاصليه .. ويوم شفت الصابونه مالتي من صنع تايلند قلت عيل هاي بعد مب اصليه !
ورحت المرة الثالثة عند عطار غير وقلت له ابا صابونة بابايا اصلية طلع لي 2 وحدة ب5 ووحدة ب 10 خذت الاغلى قلت اكيد مفعولها اقوا هههههه ومكتوب عليها من انتاج الفلبين وعليها ستكر فضي . . ويوم استخدمته حسيت بلسعه وشوية حرقان … قالوا لي عيل هاي الاصليه ههههه ما يندرى خخخ