السلام عليكم
دشيت النت وسويت سيرج بس بالنهاية قلت مالي غير حبيباتي بنات سيدات الامارات
وخاصة صاحبات الخبرة اللي يتنقلن وايد بدول أوروبا
انا الله يسلمكن اريد احجز بنهاية شهر 4 لحد نص 5 يعني اسبوعين تقريبا واريد اروح الدول التالية
بلجيكا
المانيا
النمسا
فرنسا أو سويسرا
يعني كل دولة نقعد فيها 3 ايام تقريبا والتنقل بكون بالسيارة او بالقطار .. بنسير بس انا و زوجي وولدي بكون عمره 6 اشهر .ما نبا نشل الخدامات بالمرة وبتكون اول سفرة لي بعد الولادة صدق ابا اغير جو وهذا اهوة ولدي الاول … فاريد نصيحتكن يا صاحبات الخبرة واللي معاهن بيبي.
ياليت ترتبولي خط الرحلة ما عندي مشكلة اطلع من دبي أو بوظبي… بس يفضل الاتحاد بوظبي.
والفنادق اريد 5 نجوم بكل دولة اريد ادلع بعد الولادة وقعدت البيت لووووول. ولدي طبعا بشل له العربانة.
يالله بنات همتكن اريد اقتراحاتكن وجدولكم لي وشو تنصحوني … لاني ببدا ارتب الميزانية وبسوي الحجوزات للفنادق عن طريق موقع بوكينج دوت كوم 
بانتــــظار الردود
لول تعقت من العرب في ميونخ خخخخخخخخخخ حشى
+++
بالنسبه للبيبي خذي له عربانه صغيره بس اهم شي الكرسي ينزل اخر شي عشان اذا رقد يكون القاري سرير له واهم شي البلانكت الفراش دايما يكون وياه لان بيكون الجو بارد و اهم شي بعد الملابس خذي له الافرولات الخمل يكون جسمه كامل مغطاي
ولا تنسيين ان في هاا الفتره بدخلين له الاكل ف لازم اتشلين الخلاط و ها اليي يحر الماي اشتري واحد صغير ولا تستخدميين مال الفندق ماتعرفيين شو حاطيين فييه وحاريينه
والحليب اهم شي اذا كنتي تستخدميين حليب صناعي شلي وياااج كميه تكفي الفتره الي بتيلسيين فيها
والبامبرز و الفواكه الجاهزه الي تنباع في الجمعيه بعد هاا اوكي وبسكووت
ولكل يوم شلي بدلتين + بجامه
وان شاء الله تكون سفره مريحه و مسليه ^_^
ياليت اللي تسافر اوروبا دوم تنصحني بجدول للرحلة او تعطيني لو ملخص صغير