صباآآح// مســآآء الخــــير للجمـــيع .. ^_^ ..
بندخل في الموضوع على طووول وبحط لكم طريقة صالونة اللحم بالصور .. وان شاءالله اتجربنها وتعيبكن .. 
.
المقادير …
لحم مسلوق مع ملح + جرفة مطحونه + كركم شوي + ورق غار 2 ..
بصل .. ثوم
طماطم
بطاطا مقطع كبير
جزر مقطع كبير
بهارات صحيحه (مسمار + فلفل اسود + هال + ورق غار+ لومي يابس)
كركم شوي + سنوت+ بزارات مخلوطه
ملح
صلصة طماطم
الطريقة: ..
-من بعد ما نفور اللحم ويا ملح + كركم + جرفة + ورق غار لمدة ربع ساعة تقريبا .. نضيفه على البصل اللي شوي بدا يتحمر بالزيت ونحط عليه الثوم ونجلبهم ويا بعض ونخليهم شوي ..
– نضيف الخضار المقطعه واذا حابه اتزيدين (كوسا + باذنجان+ زهره ) ولج الاختيار ..
– نخليه لمدة خمس دقايق عقب انضيف الطماط والبهارات الصحيحه والملح والبزارات وصلصة الطماطم وشوووي مااي تقريبا نص كوب عشان ما يحترق من تحت ..
– بعد ما يذبل الطماط نضيف مااي تقريبا لين ما يغطي اللحم ..
– نخليه لين ما ينضى اللحم وينشف عنه الماي شووي .. (تقريبا ساعه وربع) ..
– يقدم مع عيش ابيض 
.. وبالعافيه ..
جربوها وان شاءالله تعيبكم .. ودعوه حلوه منكم تكفيني ^_^ ,,
تسلمين
المشاركة الأصلية كتبت بواسطة StranG LOovE 
تسلمين
^_^ الله يسلمج يا STRANG LOVe .. وانا بعد تعيبني صالونة اللحم .
المشاركة الأصلية كتبت بواسطة نظرة برائة الله يسلمج يا نظرة برااائة وما قصرتي على المرور الطيب ..
بجربها قريبا ان شاء الله
بس سؤال؟؟
اللحم المسلوووق لازم يكوون نااضي ولا نص استواء؟؟
جربيها وبتعيبج ان شاء الله ^_^ ..
وثاااااانكيو على المرور ياالغاليه