مرحبا حبايبي .. اليوم سويت صالونه لحم وقدمته مع عيش
اسفه ماقدرت اصور الخطوات لان كنت مشغوله بتجهيز الاكلات الباقيه
لزوم الفطور ..وخفت لا اتاخر على باقي الشغلات ..
المقادير:
نص كيلو من الباميا .. 3 ملاعق كبيرة من زيت
بصلتين مفرومة .. نص كيلومن لحم الغنم مقطع مكعبات
ملعقة صغيرة من الكركم .. نص ملعقة صغيرة من الفلفل الأسود
ملعقتان كبيرتان من معجون الطماطم… مكعّبان من مرقة الدجاج ماجي
4 أكواب أو ليتر من الماء .. 3 حبات ليمون عماني .. ملعقة سكر زعفران
ملعقة صغيرة من الزعفران المذوّب
طريقة التحضير:
تُقلّى الباميا حتى يستوي لونه ذهبي . نشله من ع النار ونخليه ع الجنب
نحط زيت ونشوح البصل ع نار متوسطه لمدة 5 او 7 دقايق حتي يشقر البصل
نضيف اللحم ونخليه يغلي لمده 10 دقايق ع نار هادي عقب نضيف الكركم والفلفل الاسود
ومعجون الطماط ونخليهم لمده 5 دقايق
نضيف الماي ومكعبات الماجي ونخلطهم ونخليهم ع نار عالي ومن بدا يغلي
نخليه ع نار هادي لمده ساعه او لحد مانشوف اللحم نضج
نضيف الليمون العماني والباميا المقليه والزعفران
نخلي لحد ما نشوف ان بدت الصالونه تستوي غليظه .. يعني ربع ساعه لحد 20 دقيقه
ونقدم الباميا مع العيش ونزينه على حسب الذوق بـ بطاطه مقليه …
هني حطيتهم مع بعض ( اونه يعني حركه هههه )
مشكووورة
بس انا ما اكل اللحم ولا الباميه
يعطيج العافيه
مرات نسويها باللحم ومرات بالدياي ومرات ناشفه تنقص على شكل حلقات
واحلى شي بالدياي
الا بتخبرج انتو ماتقطعون الراس؟
شكرا ع الوصفه الطيبه
المشاركة الأصلية كتبت بواسطة عاشقة ولدي 
يعطيج العافيه..
يالغلا جربيهاا بهالطريقه وبتحبينها فديتج
منوره غناتي