الله يسلمكن السالفة ومافيها:
اول شي استخدمت لبنتي حليب نان وكانت تتقبله مرة في اليوم غصب بس تتقبله ( المرضعة ماكانت مريحة)
عقب ترقدت في المستشفى اسبوع وماكنت اعطيها غير طبيعي
وعقب ماترخصنا من المستشفى قامت مووووووول ماتتقبل الصناعي مول مول ماتبا المرضعة
فديتها والله لو ظروفي تسمح لي جان كله برضعها من صدري بس المشكلة اني بداوم فلازم تتعود عالمرضعة
قمت وغيرتلها الحليب واستخدمت لها بيبي لاك 1
ونفس الشي غصب غصب وعقب ماتهلك من اليوع تشرب شوية بس!
احترت وماكنت اعرف كيف اتصرف
غيرتلها السيلكون اكثر من مرة وماشي فايدة
عقب سمعت عن حليب ابتاميل كمفورت وحدة مدحته وقالت انه يزيد الوزن .. وبما انه بنتي ضعيفة وكتكوتة وايد قلت بتوكل وبجربلها
سرت اليوم خذتلها ابتاميل ومريت بيبي شوب وحصلت عندهم سيلكون يوم تحسسته كان لين وايد فاشتريته
رديت البيت وسويت لها حليب من ابتاميل كمفورت تقبلت الحلمة وماقامت تصيح مثل كل مرة استااانست وايد وحمدت ربي وقلت واخيرا شوية الا اشوفها غصب تشرب وتصيح متقطع يعني انها رافضة الحليب!!
يوم تطعمت الحليب انصدمت!!!!!!
طعمه مووووووووووول موووووووووول موووووووووول مب حلو استغفر الله يلوع بالجبد
مسكينة كيف بتتحمله! على كثر ماهو زين ومفيد بس يلوع بالجبد
الحين شو الحل
يوم قامت تمسك المرضعة الحليب طعمه طلع جي!
انزين سؤالي الحين؟
هل اقدر اعطيها نوعين حليب في نفس اليوم!
يعني رضعة من ابتاميل كمفورت عشان فوايده ورضعة من بيبي لاك1 عشان طعمه وتسد يوعها
والا بيضرها هالشي؟
الله يسهل عليج اختي
امممم شكلي بستقر عالبيبي لاك1
بس اتريا باجي الخوات
الله يعينج
بس السالفه يبالها صبر يعني هي مستحيل تتقبل من يوم واحد ومره وحده
انتي لازم تسوين لها كل مره واحد ملي وتجربين على فترات لين ما تتقبل الحليب
لان صعب عليهم يتقبلون غير حليب الام
ويمدحون حلين 26 للاطفال وايد ززززين وخفيف
ويوم ولد اختي نولد فى الشهر الثامن وكان وااايد صغير كانوا يعطونه حليب 26
الله يعينج انا بصراحه رضعت ولدي طبيعي
المشاركة الأصلية كتبت بواسطة شفوع 
الله يعينج
بس السالفه يبالها صبر يعني هي مستحيل تتقبل من يوم واحد ومره وحده
انتي لازم تسوين لها كل مره واحد ملي وتجربين على فترات لين ما تتقبل الحليب
لان صعب عليهم يتقبلون غير حليب الام
ويمدحون حلين 26 للاطفال وايد ززززين وخفيف
ويوم ولد اختي نولد فى الشهر الثامن وكان وااايد صغير كانوا يعطونه حليب 26
الله يعينج انا بصراحه رضعت ولدي طبيعي
مشكورة فديتج
هالاسبوع بستقر على بيبي لاك1 وبشوف الاوضاع
اما ابتاميل بخليه فترة لانه حرام اعطيها هالطعم من البداية!
واذا مانفع وياها بيبي لاك1 بشوف لها نوع ثاني
لاني اشوفها تقبلت السيلكون بس المشكلة في الحليب
وايد يمدحون26 شكلي بجربه في النهاية بس بعد فترة واذا ماتقبلت هاللي عندها
انا ولدي جربت معاه كل انوااااااااااع الحليب
ماشرب الي اس26
انا كنت مثلج ادور على الحليب إلي بعطيه لولدي يوم بداوم
وكنت استخدم نان وطعمه مول مب حلو
بس تعرفي شو سويت
أولا كنت اكل الاكل إلأي يسوي الحليب مثل السمك والحليب
ويوم كنت ارد من الدوام صدري يكون مليان على شان جي اسحبلة حليب مقدار 100 ملي من صدر واح والصدر الثاني اخليه على شان يشبع منه يوم ارد
على شان جي ما كنت اسويله صناعي إلا في مرات قليلة إذا ما كان عندي وقت على شان اسحبلة او ان الحليب يكون عندي قليل
جربي هطريقة و***** الله تنفع