إذا ممكن تساعدوني في هذا الاستفسار البسيط
صديقتي متقدملها واحد ولكن بدون جنسية بس عنده جواز إماراتي وهو مولود في البلاد وحتى الأبو كان يخدم في الجيش (عسكري). صديقتي مطلقة ومواطنة بجواز و جنسية منفصلة. الولد من عايلة معروفة ولكن هي خايفة إنه عيالها بيتبهدلون بعدين.
يوم بتييب عيال هل سيندرجون تحت جنسيتها؟ وشو حقوق أبناء المواطنات؟
الله يستر علينا وعليكم يا خواتي وايسر اللي فيه خير للجميع
خليها تفكر احين القوانين تتغير ترا فالنهاية العيال بيتلعوزوو واحين ماشي حقوقو للابناء المواطنات الجدد يبون يخلصون حق الجدااام وربي يسهلها انا ربيعتي خذت خليجي وكتلعوزة وقريب ماخذها من 3 شهور وعنده ديون بعد وانصدمت منة
تسأل ناس خبره او محامي او المحكمه ويخبرونها بوضعها كيف بيكون مع هل الزوج …
كيف عنده جواز اماراتي وبدون جنسيه ما فهمت
المشاركة الأصلية كتبت بواسطة شمه الشطوره 
كيف عنده جواز اماراتي وبدون جنسيه ما فهمت
يعني عنده الجواز بدون خلاصه القيد <<اهل الشمال يقولون عنها جنسية
خليها تستخير …ورزق العيال على رب العباد
وايد حريم خذوا مواطنين متلعوزين عيالهم بسبب ديون اباهم وعايشين كنهم وافدين
وحد ماخذ وافد وعايش كاننه مواطن بالاخير كل شي رزق
عسى الله يوفقها يارب
رايي من راي اختي قلب الذيب حليها تستخير وتتوكل على الله والمكتوب بتشوفه ان شاء الله … وتسأل وتستشير ناس لهم خبره ومسؤوليه عسبت ترتاح وتطمن فالنهايه الغاليه لا جواز ولا جنسيه يحدد سعادة الانسان .. السعاده بايد رب العالمين وأهم شي الانسان يعيش مرتاح سواء خذت وافد ولا خذت مواطن المهم تكون مرتاحه ومستانسه وربي ان شاء الله يسهل أمرها يا رب
احترامي …
لكن البدون جنه وافد يعني هي بتتلعوز قبل عيالها
لكن اذا تباه تستخير
لكن البدون جنه وافد يعني هي بتتلعوز قبل عيالها
لكن اذا تباه تستخير