صديقتي وزواج الانترنت

السلام عليكم
هلا خواتي بغيت استشيركن في شيء مهم
انا عندي صديقه ويايه طالبه عليا اتعرفت على واحد عن طريق الانترنت وما بينهم على رمستها الحين علاقه حب اهي اتحبه واهو يحبها وانشاء الله على كلامها بيزوجون وامها تعرف بالموضوع
خواتي فديتك شو تنصحني انصحها والله والشاهد الله اني خايفه عليها عطوني نصايح لاني عجرت من كثر ما انصحها
والي عندها نصيحه اتمنى انها ادزلي على الخاص
مع احترامي للجميع

مااعرف ><

لاتعليق خلها تستخير

للرفع

فوووووووووق

ممممممممممم

من يومين

بالتحديد امس برناامج خطوة عن الحب الناجح والحب فااشل وتكلموا بكل صرااحه

وانا انصحج تشووفينه لان بيعيدوونه وياريت لوو تنصحينها تشووفه

بس بخبرج شوة قال دكتوور حب نت فااااااااشل وجذب وهذا ما يسمى بالحب؟؟

صدمه صح بتعيش صرااع نفسي لوو تفكر بعقلها ومب بقلبها لانها لوو تفكر بقلبها بطنش رمستج ونصايح ناس واعين وفاهمين

بس من كلامه قااال هذا ما يسمى حب

قووليلها اقطعي علاقتج فيه دامه وعدتج بالزواج وانتظريه خليه اي مب لازم تكلمينه خلاص

واذا هوو عنده كلمته بيبين هالشي؟

الله يصرف قلبها عنه ،،
لـ أنها وبكل تأكيد أقولها لك ،، زواجها ما رح يستمر بـ المره ،،
ولو ودك أحلف لك رح أحلف ..
رح تدمر حياتها بيدها ،، ولا حول ولا قوة الا بـ الله ..
يكفي أنها دخلت حياه بطريقه غير شرعيه ولا مرضيه لله عزوجل ،،
هذا شئ بحد ذاته يكفيها لو تفكر فيه ،، كيف رح تتصور حياتها قدام ،،
وفقك الله وأصلح خويتك ،، يا هلا ..!

..أغراااب..

الله وحده عالم بنية الريال وبعدييين انا بصراحة عندي اكثر من ربيعة متزوجين عن طريق النت ومتهنين وعندهم عيال والله يتمم عليهم بالخير والسعادة وان شاء الله بعد ربيعتج الله يكتبلها خير وسعاده