https://forum.uaewomen.net/showthread.php?t=311207
هذا الرابط امس كتبته يوم قلت لكم طرشت السي في بعد ما قالتلي المديره طرشي .. وهيه اقترحت عليه مكانين .. مكان مدخل بيانات .. ومكان على التلفون .. وبعدين انا قلت مدخل البيانات
المهم سرت المكان واااااااااااااايد بعيد .. فتصلت على الريال الي عطاني رقمه قالي اتصلي وشوفي شو رايج .. المهم الريال ما رد عليه ..
وبعدين سرت البيت اتصلت للاداره رد عليه واحد وقالي انه الاداره اجازه اليوم .. قتله انزين بنسبة لوظيفة التلفونات وين .. قالي خذي الرقم واتصلي عليهم ..
خذت الرقم واتصلت عليهم ..
ما بتصدقون من رد عليه .. ردت عليه ربيعتي الي خبرتكم عنها .. الي ناكره الصداقه .. طلعت حاسدتني وعلى شو يا حسره .. ما بتصدقون شو سوت ..
ردت عليه قلت في البادي ما اعرفتها قلت لها اختي لو سمحتي وين مكانكم .. قالت لي اختي انتي تبين تحجزين وتحطين اسمج .. قلت لها لا .. بعدين عرفتها .. وهيه بعد عرفتني .. بس كملت عادي اوني ما اعرفها .. قلت لها اهم عطوني هذا الرقم وقالوا لي الستفسري اهنيه عن الي تبينه .. المهم ما خذت منها لا حق ولا باطل .. كل ما اقول لها انتي وين مكانكم تقولي .. انتي تبين تحجزين علشان مزرعتج … قلت لها انا جي جي جي .. قلت لها حوليني عند المسؤله .. تقولي انتي تبين تحجزين على سب المزرعتج .. ما فهمتني .. او اكيد ميه بالميه تستعبط .. يعني ما ردت على سؤاال الي سالته كلش .. لدرجة اني عصبت بس ماسكه اعصابي .. وسكرت التيلفون .. وبعد شويه دقتلي واحده من هناك .. قالت اختي انتي تصلتي .. قلت لها هيه بس ردت عليه واحد ما فهمت شو اريد .. هذي البنت فهمتني الموضووع .. وقالت لي انا ماياني اسمج لحد الحين .. بس انتي تقدرين تتواصلين مع المديره قلت لها انزين .. بعد شويه اتصلت على الريال .. وقالي شو قررتي قلت له خلاص بشوف هذي الوظيفه الي خبرتني عنها لين اشوف الحال .. قالي انتي اتصلتي على المكان ( قصده الي فيه ربيعتي ) قلتله هيه .. كان يكلمنىى وهو معصب .. يعني فهمني انا اتصلت عليهم وسبيتهم .. والله انا ما سبيتهم .. ما ادري شو ربيعتي قالتله .. قالي خلاص سمعي لا تروحين اي مكان لين ما نتصل فيج ونقولج تعالي .. يعني شكل ما يقولي لا تحلمين تتوظفين معانا .. جيه انزين من غير سبب من غير ما تفهم انا شو قلت ..
والله ما ادري شو ربيعتي قالت له .. الله واعلم بس اكيد اكيد قالتله سبيتها .. وشتمتها .. لانها من ساعة ما عرفت اني بتدرب هناك تلخبطت والله .. وما فهمت منها شي .. بس انا ما شتمتها ولا سبيتها انا حتى كنت مبينه اني ما اعرفها خير شر .. ليش تتكلم عن جي .. انا شو سويت فيها ..
انا ما اعرف الرقم والله . اهم عطوني اياه ..
والله انا هذي الانسانه عطيتها من خيري قد ما اقدر .. ما قصرت فيها .. كانت تروح مواعيد المستشفى الساعه12الظهر .. واسير اوديها .. وايبها من هناك الساعه 2 .. وارجعها المركز.. .. ما خليت مكان ما وديتها فيه .. كانو خواتي يقلون لي هذي مصلحجيه . وانا اقولهم احنا ربيعات واكبر من جذيه .. ومافيه فرق من بينا ..
العين مول وكارفور تسير تقعدلي بساعات .. وقول ما عليه .. عاادي .. مع اني مالي اي شغله لا في المول ولا في كارفور .. حتى يوم تكون تعبانه تقولي سيري داومي مكاني .. لانها شركه خاصه . اسير والدوم مكانها صبح وعصر ..
الحين اطلع عليه كل هذا .. خذت اوراقي وما عطتهن الاداره وسكت .. قلت لها براجع اوراقي شاتمتني وقالتلي لا تروحي وسكت ..
قلت لها انا انخطبت وادعيلي قالتلي ما ادعيلج وسكت ..
حااسدتني علشان انا مواطنه واهي بدوون جنسيه .. ودوم تحسسني بهذا المووضوع .. على اني مواطنه واقدر الشتغل في اي مكان وهيه لا .. والسكت
لكن انها اطلع عليه كلاام علشان ما اسيرر الشتغل الشغله هذي لا ما بسكت .. ليش ما تباني اسير الشتغل هناك .. خبروني .. اريد سبب مقنع .. ليش ما تباني اسير هناك شو السبب ..
فيني صيحه.. مب على الوظيفه طز في الوظيفه .. بس ليش اهي تسوي فيني كل هذا .. على الرغم من اني ما سويت فيها شي … ؟؟؟؟؟؟