صفع الياهل وقال لها() .

يعني بالذمه انتوا اسمعوا السالفه واحكموا

هذي سالفة وحده من صديقاتي متزوجه من ثلاث سنين وعنده ولدعمره سنتين وبنوته توها بنت شهرين
السالفه وما فيها ان ولدها ما شاء الله عليه شقي ودايماً لما يشوف اثنين يتكلمون يحاول يقاطعهم بالكلام وما اعتقد طفل بهذا العمر ما يسوي هذي الحركات اليوم ريل ربيعتي شو سوا عطى ولده طراق على ويهه تعرفون شو يعني صفعه في ويه طفل صغير وشو السبب؟؟ والله ليش ما تخلي امك تسبحك وانت ليش ما تسمع الكلام …

والله ربيعتي شو سوت ساعتها طارت في ويه ريلها وسحبت عنه الياهل ومن الغيظ اللي فيها سبت ريلها وقالت له انت حيوان وانت متخلف و…
تخيلوا ريلها شو قال حقها (( هذيلا عيالي وانا حر فيهم )) بالله عليكم هذا رد واحد عاقل

بس بنات وبالذات اللي عندها يهال يهون عليج ولدج يننصفع جدامج وتسكتين الا اذا كنتي نفسج قلبج من صخر والظاهر ان هذا الريال قلبه صخر وما عنده احساس واللي قهرني انه قال حقها ها الكلمتين وراح يرقد ولا كأنه قايل شي

ربيعتي قاعده تصيح ودموعها تركض من الكلام اللي قاله حقها والله انها متضايقه منه وميته من الغصه بس هي من النوع الهادي واللي ما تحب المشاكل وما تبغي تكبر السالفه أكثر عسب جي سكتت عنه ….

خبروني شو بتسوون لو كنتوا مكانها…مع انها زينه مع ريلها والكل يحسدهم على انهم ما صار بينهم مشاكل من بداية زواجهم بس مثل ما يقولون اليهال أحياناً يسببون فجوه بين الزوجين….

انا استغربت الصراحه عشانها كانت قبل شوي وهي معاه في المول سوالف وتمشي وسينما وعشا ومن رجعوا البيت قلب عليها وعلى اليهال مره وحده مع انه طيب ويحب عياله وايد….

ألحين شو يعني تسكت عنه أو تتحمل الكلام اللي يقوله حقها ؟؟ يعني لما يقول لج ريلج انتي مالج خص وهذيلا عيالي تحسين عمرج صدق غريبه وينربط لسانج بعد عن الكلام

حشى مب ابو ….

لازم يفهم ان هذا ياهل وبعده ما يفتهم …

شو هالتخلف ..

للرفع

اسمحولي انا ام لولد وبنت…الصرااااحه انا ماراح اقبل حد يضرب عيالي حتى لو كان ابوهم…يمكن حنان الام يغلب علينا..بس الاب صدقوني مب من كرهه للولد بس جيه عصب عليه…وحرمته غلطاااااااااااااانه انها سبته والغلط انها سبته جدااااااام الياهل….ما يصير..المفروض تسحب ولدها وتهديه وتسبحه وبعدها تفهمه ان ابوك مايقصد بس كان معصب عليك لان الانسان لازم يسبح كل يوم عشان الله يحبه…يعني تقنع الولد بإسلوبها…
اما الاب المفروض تكلمه بعدين وتقوله لو سمحت ماتضرب العيال على ويوهم اوكي ع الظهر او الريل او من وراء
بس الويه الرسول منع هالشي لأن الويه اكرم شي عند الانسان…

المفروض هذا الاسلوب… وصدقيني ماله داعي تصيح اوتتكدر..كل الاباء هذي طريقتهم بفهم العيال..
يعني يقول هذولا عيالي وانتي مالج خص…عاااااااااااادي لأنه ماقلها إلا حبا بولده وندمان انه ضربه..عسب جيه يبا يبرر موقفه…والله لا تزعل ولاتكبر الموضوع..تسير عند ريلها وتتفاهم وياه..وتقوله انا ادري انك تحبه وانت ماسويت هالشي إلا انك تبا تربيه…وبس…^_^

السموحه ع الاطاااااااااااااله وربي يسعدكم..^_^