شحالكم
اخباركم
حبيت اسالكم عن صلاه الاستخاره
كل مااصليها مااحس فشي يعني مرتاحه للموضوع والا لا
ومااحلم ولا شي قلت اكيد صلاتي خطآ
واحين انخطبت وابا اصلي
وهاي ثالث مره انخطب واصلي ولا احس فشي 
يعني ابا اعرف متى اصليها فاي وقت
وكيف
دشيت اليوتيوب ومافهمت 
وهييكآآ
ومشكورات مقدما الي بردون ع موضوعي 
انتي تستخيرين واذا فيه خير الله بيسر الموضوع واذا لا الله يبعده عنج 
صلاة الاستخارة مب شرط انج عقبها ترتاحين للشي اللي استخرتي لاجله أو مثل ما يقولون الاغلبية انج تحلمين عقبها
لان في حديث عن الرسول (ص) رواه ابن السني : ( اذا هممت بالامر فاستخر ربك سبعا ثم انظر الى ما يسبق في قلبك فان الخير فيه)
قال النووي : اسناده غريب
وقال الحافظ ابن حجر : هذا لو ثبت لكان هو المعتمد، لكن سنده واه جدا .
بس اغلب الناس ما يتأكدون من الاحاديث وهل اسنادها صحيح ام ضعيف
لان عموما عقب صلاة الاستخارة والتوكل على الله سبحانه وتعالى سواء كان القبول او عدمه فكله خير
فتوكلي على الله واهم شي اليقين صلي مرة ومرتين وثلاث لين الله يختار لج الخير
وتأكدي انه اي شي يستوي عقب طالما استخرتي فهو خير لج
والله يسهل عليج وعلى كل العازبات ويرزقكم بالزوج الصالح باذن الله تعالى
اختي شوفي هالرابط لوسيم يوسف عن صلاة الاستخارة
الاستخاره تيسر الامور وتسهلها
انا لما انخطبت صليت استخاره مرتين بس ماحسيت بشي ولا حلمت
بس الامور صارت بسرعه ولله الحمد