صياح العيال

السلام عليكم و رحمة الله و بركاته

اخواتي الامهات ابغي مساعدتكم
عندي بنتين و حدة سنتين و نصف و وحدة سنة و نص
المشكله انهم كله يصيييييحوا من الصبح لين ما يرقدوا بدون سبب الصراحة مليت و من فوق اهل ريلي ما يساعدوني انا اسكن و ياهم في بيت واحد بس يشيلووووووووا ولد حمية لان ما يصيح ما يعبروا عيالي و الله ما اعرف كيف اتصرف
للعلم عيالي يصيحوا يوم يشوفوني و يوم انا ما موجودة عاادي يلعبوا و يضحكوا ما اعرف كيف اتصرف كله يبوني اشيلهم حتى الحمام الله يعزكم اخذهم معاي
عندي سؤال هل البنات بس يبكوا او الاولاد بس؟؟؟؟؟؟؟؟؟؟؟؟؟؟
الله يخليكم افيدوني او ادعوا لي و لعيالي
جزاكم الله خير

الغاليه البنات والاولاد واحد

خذي لهم العاب يديده واشتري لهم ديفيديات عن بارني وتليتابيز

الله يعين

ان شاءالله الخوات يفيدونج بنصايحهم

شكلج عودتيهم على الشل وكل مايصيحون عشان تسكتينهم تشلينهم
اذا مافي سبب يصيحون عليه ما عليهم شر يصيحون فتره وبتعودون انه ها الطريقه
ماتنفع وياج ^^ مع انه عندي ولديه صيااح بس عادي اطنشه والحمدلله الموضوع خف ..^^

شكلهم يدلعون يوم يشوفون
وعارفين انج بتسوين اللي يبونه
ووايد متعلقين فيج
حاولي تخففين دلع شوي
ومب كلما يبون تشلينهم شليتيهم طنشيهم شوي

السلام عليكم
اشكر مرور الاعضاء
حبيت ابين نقطة اني انا ابدا ما عودت عيالي على الشل و لا حتى ادلعهم حتى انهم عيال اشهر و انا ما شلتهم وااايد كله كنت ارقدهم في السرير و اعطيهم العاب المشكله انا ما فاهمه سبب تعلقهم الزائد فيني
وعندهم من الالعاب الي ينحسدوا عليها ما شاء الله ما قاصرهم شئ
يوم يصيحوا ما اسويلهم سالفة
جربت كل الوسائل معاهم
ادعولي يمكن الدعاء يساعد
شكرا على مروركم