أخاف والله يدخل عليه المدير ويشوفني ابكي …..
انا من خمسة اشهر انتقلت عند زميلات يداد من اول يوم كرهتهن وحطيت ف بالي فكرة سيئة عنهن ليومكن ما
اتقلمت معاهن كلنهن أغلبهن أصغر عني والغيرة طبعا زاااايدة ومالها حدود لأني منسقة المدير وأنا وظيفتي أدارية
والمدير واااايد يعاملني معاملة طيبة ويعطيني شغل ونتاقش واعطيه افكاري وعايبه شغلي 100%
المشكلة أنه باجر عرس وحده منهن تصدقن ولا عزمتي حق عرسها طاااااااااااااااااااااااف كأني هب وياهن بالمرة!!!
وامس مسويه حفلة ف بيتهم وعزمت كل البنات ألي ف دوام وانا طاااااااااااااف …..
وقبل شوي مصورة الحنا ومطرشته حقهن وعدالي يسولفن ويعلقن وانا كأني ما موجوده …زعلت حزتها وحطيت ف خاطريه
ليش يعاملني جيه انا ما أقدر ارز بويهي غصب اقولهن خلني اشوف الحنا لانها ما عازمتني ….حق العرس
ودخلت الحمام (الله يكرمكن ) اصيح أصيح ….
وحاولت بكل الطرق اني اتقرب منهم واسولف معاهم وايييب ريووق من البيت
واطلب من المطعم حق الكل بس ما فيه فايده كل هذا ما تراس عيونهن!!!
بنات مصالح …واااايد يرمسن عني من ورااايه واسمعهن واطنش
لدرجة الشباب لاحضوااا سوء معملتهن حقي وتجرأ وااحد منهم ورمسهن
ردن عليه بكل بروود أنا ما اروح عندهن ,انا هب معرسة وما احب
سوالفهن ماسخة شرات ويوهن وتعليقاتهن وع وع تلوع الجبد ما عندهن سالفه
غير عن ازواجهن اتقزز منهن …وانفررر
نصحني ويش اسوي ؟؟؟؟
كرهت دواااام بسبهن ؟؟؟
نفسيتي محطمة كل يوم اغصب عمري واروح دوام ؟؟؟
المشاركة الأصلية كتبت بواسطة كلامي عسل 
حطيت نقط بس عسبت احجز هالباركن
فديتج انا حاسه بكل اللي تقولينه لاني مريت بهالشي
لكن
حبيبيتي ماحاولتي تعرفين الاسباب ليش هم يعاملوج جيه ( برايه لا تعرفين)
حبيبيت بشكل عام انثى فيها غيره
وفي منهم يعرفون يتحكمون ف غيرتهم ومنهم لاا
هم ع حسب تفسيري ووجهه نظري انهم غيرانين منج و من منصبج
اي مكان بتلقين جيه
حتى بالشركات و بكل مكان و علفكره هالشي موجود ف الرياييل بعد للاسف
انجيين
هم يعاملوج جيه لانج ماشاء الله عليج عندج منصب منسقه المدير الله يوفقج وهم غيرانيين عسبت يمكن هم يبون هالمنصب لاتشغلين بالج فيهم برايهم هذا نصيب وكلن ياخذ نصيبه ليش هلاغيره وسوء المعامله مادري
وغير كل وحده تتمنى ان مديرها يتعامل وياها بالطيب و يشاورها ويتناقش وياها مديرج جافج كفو ل هالمنصب و كفو انه يناقشج وياج امور الشغل وجيه بس ماشافهم كفو قال مامنهم فايده يايين للعب مب شغل
وبخصوص العرس فديتج ادري انه مب حلوه عزمت الكل وماعزمتج بس برايها انتي مب محتايه لها خلج كوووووووووول
ومن الحين ورايح لا عزايم ولا تاكليهم ولا تشربيهم في ناااس لو تسوين فيهم معروف وتبين تتقربين منهم يطعنوج ف ظهرج
وانتي غنى عن كل هالاشياء
خلج ف شغلج لاتضايجن فديتج انا كنت احاول اتقرب لكن تبت وتوبه خليت عمري ثجيله لابعد حدود وطنشت والكل يغار مني وحاولو يسون لي مشاكل وجيه لكن قدرت اتغلب ع كل شي بالكلمه حلوه ومعامله طيبه
وها الحين انا بالفرع وحدي محد وياي اللي وياي فنشوهم لان الله كشفهم وفي منهم انتقلوا والحمد الله
كثيييير ناس يعانون من هذي الاشياء في الدوام وانا عانيت ليييين ماقلت بس بس بس
في ناس ارزاقهم تنقطع بسبب هذي الاشياء
في ناس بيقولون الانسان مب قوي او تافه لانه مايقدر ويقف في وجوه الشلل الي مثل ذيله
بس العكس صحيح هذي معاناه لان الغيره والحسد تعتبر ظلم
في ناس ممكن يغارون ويكون حركاتهم عفويه
بس في ناس العياذ بالله
المهم اختي انتي احسن عنهن بمليون الف مره
والمدير عاجبنه شغلك
وهذا اهم شي في اي مكان
يعني عندك شي يشغلك عنهن
تخيلي لا سمح الله شغلك مب ذاك الزود وهن يغارن
كان العمل بيكون جحيم
وانتي فوقهن بعد بالمرتبه
الغيره معناها انتي احسن عنهن مب هن
خليكي كريمه دووووووووووووووووووووم
هذا بيقهرهن 
بعدين بعد فتره بيسكتن ويتعودن عليكي
المشاركة الأصلية كتبت بواسطة امراه مشكورة فديتج انا مطنشة بس والله يكرهني بحركاتهن وانا حساسة بسرعه اتضيج وازعل ….
المشاركة الأصلية كتبت بواسطة شعاع امل كثيييير ناس يعانون من هذي الاشياء في الدوام وانا عانيت ليييين ماقلت بس بس بس
المهم اختي انتي احسن عنهن بمليون الف مره
والمدير عاجبنه شغلك
وهذا اهم شي في اي مكان
تخيلي لا سمح الله شغلك مب هاي شي وهن يغارن
كان العمل بيكون جحيم
الغيره معناها انتي احسن عنهن مب هن
خليكي كريمه دووووووووووووووووووووم
هذا بيقهرهن
بعدين بعد فتره بيسكتن ويتعودن عليكي
تعبت يا أختي انا كملت خمس شهوررر ووانا ع هذي الحالة يحسسني كأني عدوه حقهن !!!
الله كريم