ضروري جدا حامل وفيه حصوه بالكلى

المهم بغيت اخبركم سالفتيه ..

تر انا حامل فالخامس تقريبا مخلصه الخامس .. ومن سبوع احس بألم مثل الم الدوره بضبط اسفل البطن وآخر اضهر وكان عندي موعد فالمستشفى تصوير سونار وانا من متى اتريا هالموعد بس عشان اعرف من شوه هالويع الي احسبه يوم سرت صورت جيكت عالبيبي قالت الحمدالله مافيج شي قالت بس هالويع من كثر المشي او ترهقين نفسج وايد بيخوز عادي قلت لها زين عيل وباليوم اثاني زاد الويع عليه قالي ريلي اكيد انتي فيج شي خلينا نوديج دكتوره خاصه احسن ورحنا عند دكتوره خاصه جيكت عالبيبي وجيكت عليه من تحت لانها شكت ان فيه اللتهاب طلع مافيه لا اللتهاب ولا شي وقلت خلاص اكيد هاذا تعب وبيخوز ورجعت البيت عادي ومرن يومين … واللبارحه اصبح يآآآني ويع فضيييييع بغيت اموت ماقدرت امشي من الويع وماسكه بطني ويالله يالله وعيت ريلي ورحنا المستشفى انا حسيت بالويع اساعه 8 اصبح ورحنا المستشفى اسااعه 10 تخيلو خلوني قاعده عالكرسي المشاي ربع ساعه كله تريي وتريي وانا فيه ويع ماقدر اتحمله احس ان بطني بينفجر انا ماقهرني في هالمستشفى غير كلمة تريي وتريي كم بتريا لين اموت يعني ريلي يقولي يشوفونج ساكته وتأألمين بصمت يتحرون مافيج شي لازم يعني تباغمين وتهزين المستشفى هز عشان يعرفون ان بطنج يعورج هههه وبعد ساعه من الالم الشديد قابلتني الدكتوره وصورتني وجيكت من تحت طلع مافيه شي قالت مافيج شي الحمل سليم قلت لها يعني هالآلام من شوه..؟ قالتلي عيل سوي تحليل بول عشان نتأكد اكثر.. قتلها اول شي عطوني شي يسكن آلامي عقب بسويلكم الي تبونه عطوني تحميله مسكن وعقبها تميت مسدوحه عاسرير عندهم وشوي اقوم افز اقولهم ابا حمام برجعععععع ورجعت ورجعت انسدحت وماقدرت اتحرك قالولي بنوديج غرفه ثانيه ترتاحين فيها وعقب سوي تحليل البول تقريبا ها الساعه 1 ونص وخف الام شوي وسويت لهم التحليل وتميت مسدوحه وحطولي مغذي ورجع الالم مره ثانيه يذبببببببح ماقدرت اتحمل عاد لين تطلع النتيجه يبالهم ساعتين وانا كل كم ساعه ارجع من شدة الالم و حشرت الدكتورات ابا مسكن عطوني ابره فالعضل قالو احين بيطلع تحليلج وبنعرف شوفيج تميت اتريا وابدا ماخف الالم عالبره تم يخف ويزيد وانا اصيح وريلي ساير راد مايعرف شو يسويبي والدكتورات ماعندهن كلمه غير تريو شوي وتريو .. قال نتراي لين تموت مب حاله هاي الحرمه حامل وتأألم وانتوا بهالبرود.. وصلت الساعه 4 العصر وعقب يتني الدكتوره وقالت لي طلع التحليل واكتشفنا ان عندج فالبول الدم مختلط ويا البول وفيه كورات البيض والحمر اظني ماذكر من الويع ماذكر شو تقولي واحتمال يكون عندج اللتهاب في الكلى او حصوه كله احتمال واحتمال قتلها احين شو الحل ماراح الوجع انا اهم شي عندي يخف الويع وعقب يسون الي يبون يسونه قالت بنسحب منج دم نتأكد من الي فيج اكثر سحبوا الدم وقتلها عطيني مسكن وقالت بعطيج ابره اقوى من الي خذتيها من ساعتين وعطتني الابره .. زاد زاااااد الويع وخف فجأه ويتني تطمني قالت تأكدنا من ادم ان فيج حصوه بالكلى هيه الي مسببتلج الآلام بس مانعرف اذا كانت الحصوة كبيره او صغيره قالت مانقدر نسوي اي شي لين تربين وتقومين بسلامه قالت انتي عليج انج تكثرين من الماي لان احتمال هالحصوه تنزل بالماي بدون اي عمليه جراحيه بس اذا طلعت كبيره ومسويتلج تضخم فالكلى هاذا له كلام ثاني قالت تعاليني باجراصبح وخذي موعد عشان تسوين تصوير اشعه للكلى عشان نتأكد الحصوه كبيره ولا صغيره وقالت مانعرف يمكن يصرولج باجر على طول او يعطونج موعد بعد سبوع .. عاد هنيه ريلي وصل حده قال سبوع اصراحه تلعبون بالحرمه انتوا كيف سبوع هيه بتقعد تتألم وتترياكم سبوع قالت مب بأيدنا الدكتور مال الاشعه يمكن يكون مب موجود انتوا وحضكم وتتكلم ببرود.. انا هنيه بغيت انجلط قال عيل انا مابيبها عندكم باجر نروح مستشفى خاص يخلصون لنا كل شي وبسرعه مالها داعي هالمذله .. قالت عراحتكم والله طبيناها اليوم ماسرنا للاشعه مب مستعدين يعطونا موعد عقب اسبوع انا ابا ادور حل بسرعه لهل البلشه الي انا فيها وماعرف والله يمكن اروح اليوم بعد الفطور اسوي اشعه وأتأكد وتخيلن طلعت من المستشفى اساعه 8 ونص من اساعه عشر اصبح لين 8 فليل آخر شي كله احتمال واحتمال .. والله اني خايفه يابنات يعني احين اذا الحصوه ماطلعت بسيطه بيسون لي عمليه وانا حامل كيف جي والله مب مستوعبه .. بليز ياحريم الي عندها خبره تقولي واطمني والله خايفه عالجنين .. انا اذا سويت اشعه اليوم برجع اخبركم شو طلع فيه .. بليز طمنوني .. وادعولي .. ابغى دعواتكم ..

اسفه طولت عليج بس حبيت اطمنج ولاتحاتين حبوووبه
والله يقومج بالسلامه

أذكر منزمان وحده من اهلي استوالها حصوه وهي حامل,, بس نسيت كيف عالجوها,,,

الله يسهل عليج

تدرين انا يوم حسيت بالويع قلت خلاص هالحمل مابيتم على خير توقعت اني اعق ينزل البيبي بس الحمدالله قالولي مايخصه فالياهل وعن ماي النارجيل احين بوصي ريلي ايبلي منه .. وهم عطوني فوار بس لين اللحين ماشربت منه ماعرف كيف طعمه اخاف ارجعه ..؟؟ انا يالله يالله ابا عود نفسي عكميات الماي الكبيره حتى الماي صرت ارجعه الله يشفينا انا وياج يارب.. مشكله والله يوم يكون فيج حصوه بالكلى وانتي حامل بتتحملين تعب الكلى ولا تعب الحمل والولاده

المشاركة الأصلية كتبت بواسطة custard

أجر و عافيه,,, لا ما ينسكت عن الوضع,,, عزيزتي أنا من رايي المستشفيات الحكوميه مش زينه اذا فيج شي غير الألم,,, أما متألمه,,, اركضي الخاص لأنه الزحمه أقل و نتايج التحاليل تطلع أسرع,,,

أذكر منزمان وحده من اهلي استوالها حصوه وهي حامل,, بس نسيت كيف عالجوها,,,

الله يسهل عليج

آمين يارب وانا قلت نفس الشي اذ رجع عليه الوجع على طول بروح خاص

مشكوره عالرد فديتج ماقصرتي

حاااااسه فيج بالقوووو

لاني من اسبوعين كنت منومه في المستشفى يومين لان عندي حصوه في الكليه و تحركت لين تحت

فأعرف الالم اللي تتكلمين عنه يااااااااااااا ربي موووووووووت بالقوووو

لدرجة انهم عطوني 6 ابر و الالم ما خف و الابره السااابعه الحمدالله خففت الالم و راااح عني

بس نسيت اسم الدوا اللي فيها هم يعطونها لمرضى السرطان الله يبعده عنا و عنكم علشان يخفف عنهم الالم

و كنت اقول الحمد الله ان الالم ياني الحين مب يوم كنت حامل

اهم شي اشربي ماااااااااااي واااااااااااااايد لانه ما فيه ضرر لا لج و لا للبيبي فديته

و عندج بعد هالاشياء بس اسئلي اول اذا فيهم مضرة والا لأ لانج حامل
– ماي الناريل
– ماي الشعير او اسمه شراب الشعير << مثل الباربيكان و هولستن
– الحلبه
– ماي البقدوس (تفورين البقدونس و تشربين الماي ماله – تقدرين تسوين كمية و تحطينها في الثلاجه و تشربين منه متى ما بغيتي) بس بصرااااحه طعمه مب حلو لكن مدحولي اياه
– اذا ما تحبين تشربين هالاشياء كثري من السوائل بصورة عامه يعني اشربي عصير مثلا

هذا بس اللي اعرفه

والله يشافيج و يحفظ لج ظناج يااااا رب

و ان شاء الله ما يصير الا كل خير

المشاركة الأصلية كتبت بواسطة فطــــوم

فديتج خيماويه 999 ماطولتي عليه بالعكس ردج وايد افرحني وطمنيتي الله يعطيج العافيه

تدرين انا يوم حسيت بالويع قلت خلاص هالحمل مابيتم على خير توقعت اني اعق ينزل البيبي بس الحمدالله قالولي مايخصه فالياهل وعن ماي النارجيل احين بوصي ريلي ايبلي منه .. وهم عطوني فوار بس لين اللحين ماشربت منه ماعرف كيف طعمه اخاف ارجعه ..؟؟ انا يالله يالله ابا عود نفسي عكميات الماي الكبيره حتى الماي صرت ارجعه الله يشفينا انا وياج يارب.. مشكله والله يوم يكون فيج حصوه بالكلى وانتي حامل بتتحملين تعب الكلى ولا تعب الحمل والولاده

انا ياختي نفس احساااسج ياني
بس الحمدالله الحين وايد اكثر نتي بس اتبعي اللي قلتلج عليه وان شاء الله بترتاحين
انا حتى يوم راجعت عقب فالعياده قالت الدكتوره ماشوف الحصوه بس الاملاح موجوده
وعن الفوار هو فعلا مش حلو بس شو نسوي مجبورين نشربه

واختي ابتعدي كل البعد عن الحلبه والله اني ساله دكتورين مش واحد بس عن هالموظووع
يووم بتربين اشربي على كيفج بس وانتي جامل لا ومليون مره لالالالا