ولدي الحين عمره سنة ونص،، شهيته ضعيفه يكره الخضروات والفواكه والحليب
يكره البطاط باختلاف طبخاته سواء مقلي او مشوي او مع المرق
كان يحب البطاط شيبس والحين يكرهه
الحل الوحيد اللي نفع اني احط له عسل مع الحليب،، وامي تحذرني من كثرة العسل لانه ممكن يسبب له سكري (وراثة في العائلة الكريمة)
كان يحب الروب والحين يكرهه
التقصير مو مني كانوا اهلي يعتقدون اني السبب فخذته امي وماقدرت عليه ثنتين من خواتي اللي عندهم عيال جربوا معاه ومافي فايدة ( الكل الحين يقول لي ولدج صعب) شو الحل؟؟
الدكاترة قالوا استمري في المحاولات معاه، ودكتورة تقول لي كل شوي عطيه اكل (خلي ايدك في بؤه على طول) وما نفع لانه سار ما ياكل ولا يشرب حليب بهذي الطريقة
اللي عندها خبرة وممكن تفيدني جزاها الله خير
انا ولدي كان ماياكل فصرت اعطيه ملعقه صغيره عسل في نصف فنجان ماي على الريج يوميا لمده شهرين ولاحظت شوي شوي انفتحت شهيته للاكل وبعدين وقفت عنه العسل وصرت اعطيه كل كم يوم بس اكله صار احسن ولله الحمد
أو قطعي الخضروات على شكل ورود قلوب بقطاعات البسكوت..أو خليه هو يقطع..
أهم شي لا تحرقين أعصابج..أصبري عليه…
خلي الأكل فالحجرة ساعة مثلا وشوفيه يسير صوبه وإلا لا..
إذا يحب البسكوت…حطي قطعتين في ملة وصبي عليهم من الحليب ماله..
أنا كنت أعاني نفسج ولديه لا يشرب حليب ولا ياكل بيض ولا ياكل جبن ولا غيره …
بس هذا الشي اللي تقبله في الأخير …وعلى الأقل أحسن من لاشيء …
الفواكه والخضروات شجعيه ..خليه ياكل مع أبوه أو إذا عنده عيال عم أم خاله .. أكيد بيقلدهم …
والله يهديهم ان شا ءالله …
وبحلالـــــك عـــــن حرامـــــك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .