ضـآيعَه بينْ " أمّي " وَ " رَيلي " سآعدونيّ يزآكم الله ألف خير ~

السَّـــلام عليكم ،،

نـــآاويه أدش على طول في الموضوع ..

عندي مشكله " حاولت ألقى لهآا أي حل بَس مآا قدرت أبداً "

قلت أطرحهآا لكم هني وَ أشوف آراءكم يآا أمهات و يآا متزوجآات ..

اتبعت المقوله اللّي تِقول "" مآا خآاب من استشآار ""

و إن شاء الله أنكم تفيدوني في مشكلتيّ هآذي

سلمكم الله .. صآار لي متزوجه من فتره مآ تتعدى الـ شهر ..

و الحِمدلله أموري بخير ولله الحمد والله عطآني ريل والنعم فيه =)

أحبه وآايد قد شعر روسكم ههههههههههههههــ "

الله يحفظه ليّ " و يسعِد كِل متزوجه " ويصلِح حآال كِل زوجه عِندهآا مِشاكل " ويرزق كِل محرومه بـ ولد الحلاآل " ( اللهم آميــــن )

و الحِمدلله على كِل حآال ..

بَــس مِشكلتي هي الوآالده أمي حبيبتي الله يصلحهآا ويهديهآا ويحنن قلبهآا عليّ ..

دآيمـاً الله يهدآها تتدخل في شغلآات تخصني وتخص ريليّ ..

ودآيــماَ أفكارهآ تِكون سلبيه .. مثلاً ريلي خِذى لي بي بي .. وهي وقفت واعترضت وقآلت أن فيه وفيه وفيه وفيه >> قصدهآ البي بي ..

سآرت و خذت لي غيره لما ريلي كآن في الدوآم .. و ريلي عرف بالسالفه وتضآيق ودخل ب مشآحنات معآها "" على أساس أنهم ليش يسوون هالشي من دون شوره ! ""

فـ كنت محصوره بين نآرين " نآر أمي " ونآر ريلي " الله يحفظهم ليّ إن شاء الله

في البدآيه حآولت أقنع ريلي بأني مآبا البي بي وجي " لكنه اعترض وقآلي يتم معآج يعني يتم معآج "

وأنا أدري بأني لو رجعت البيتْ بستقبل تهديدآت الوالده كالعاده وتوعدآتها لي

فلمن قلت لهآ ريلي مآ طآع يغيره لي وهذا شوره وأنا مآ أقدر أطلع من شوره عصبت علي وآيد

وقآلت لي بأني مِش مغصوبه على الـ بي بي ..

آلمهم " باءت محآاولاتي بإقنآاعها بالفشل " وَ سوّت اللي برآاسهآا ..

مِشكلتي أن أمي معندّه وريليّ شرآتها .. نآار بـ نآار " أبدا مآشي تفآاهم ..

أنـــــــاآ مع ريلي بالموضوعْ لأن هالشيّ مِن حقّه .. و الوآجب منّي إني أحترمه وأسمعه شوره ..

و أميّ بعد لِها حق عَلي .. وَ مآابي أزعلهآا .. ويوم أقول لهآا وأحاول أفهمهآا إني خلآص تحت عِصمة ريلآال وهو اللي يقوليّ تعالي وسيري ..

تِقول أنتيّ قليلة أدب ونآكرة معروف و طلعتي مِن شوري واللي مآافيه خير لأهله مآفيه خير للنآاس !!!

وَ الله يا بنات .. والله ثم والله ..

أنــآا أحب أهلي وأحب أمّي ومهمآا سوّت لي بظل أحبهآا لأني مآ أروم أنكر فضلهآا علي بوجودي في هالدنيآا

وَ هذا دليل خوفهآا علي لــكن تتعآامل معآي بأسلوب غلط ..

وَ الشي لآ زآاد عن حدّه ينقلب ضدّه !

وَ بنفس الوَقت أحبْ ريلي وآايـد أكثر مِن أي حد ثآاني في هالكون ..

بَس أوامر أميّ الله يهديهآا و تدخلآتهآ فـ حيآتيّ أثرت فينيّ بشكل كبيرْ ..

وَ الكلاآم الليّ تِقوله ليّ أحآاول قد مآ أقدر أطنشه .. ومآابي أزعج ريليّ فيهآا لأن أميّ وَ ريلي فيهم صفة العِنآاد

عآندت أمّي .. ريلي بيعنّد أكثر وَ أكثر

أحــــــآاول أحيانا أسكِت ومآ أييب طآري لـ ريلي ويومْ يسألني حَد قآلج شي أنكر وأقوله لآا

مب عشآن شي بس والله مآبي أخسر أي أحد فيهُم ..

و مآبي أنظلم امبينهم .. وَ أقول إن شاء الله بآجر بتتغير الأيّام وبتهديّ أمي ..

آلحين بـ مآ أن الأوضآع جداً متوتره .. أنـآا ضايعه امبين الشمآال وَ الجنوبْ …

أحـــآاول أرضي ريليّ وأكسب رضآ أمي ..

وَ الحمدلله عِندي الفهم والإدراك بأنيّ لازم أتبع شور ريلي ومآا أعصيه في أي أمر

و أتذكر قول الرسول عليه الصلاة والسلام

( لو كنت آمرا أحدا أن يسجد لأحد لأمرت المرأة أن تسجد لزوجها)

تِعبت والله .. وَ الصّراحه رآحتي في بيت ريليّ .. أحياناً أحب أيلس وأقرى لي شغلات تنفعني

أحآول أضيع وقتي بشي يفيدني .. وَ إذا ملّيت أسير وأيلس عند عمّتي وأرتاح والله معآها

نآخذ ونعطي ونسولف .. عمّتي حبوبه و الله يشهد أحبهآا حب ربّي العالِم فيه

خـآاطري أبعد عَن هالمِشاكل وأعيش في عالم بروحيّ .. خآطريّ أكمّل دِرآستي

خـــآاطري أطور قُدراآتي الإبداعيّه اللّي دفنتهآا من فتره ومآ كان عِندي أي مجآل إني أنميهآا وأصقلهآ

أتمنىّ أكون نقطه بآرزه في المُجتمع .. ثِقتي بنفسي كِبيره ..

أحياناً .. ريلي ينشغل عَنّي وَ أتضايق .. وَ مآ أحس بأي رآحه في غيآبه ..

وَ أحيانا يــِكون عِندي .. بَس أحس بـ فرآغ .. وِدي أحسّه يهتم فينيّ .. يشجعنيّ .. يوقف معآي بأي محنه

وَ لو بـ كلمه .. هو مو مِقصر معآي .. لكن الروحْ يبآلهآ مِن يغذيهآ بالأكسجين ..

وِدّي نِكون مش زوج ويآ زوجته وبّس .. وِديّ نِكون أصدقاء .. وَ حبآيب .."

صرآحــــــــةً .. قّد مآ أنا أحآاول أكون مستآنسه وأبتسم في ويهه ..

قَد مآ أحاول أخفي الحِزن والضيج اللّي فينيّ .. أحياناً يزعلني وكلآمه يجرحني في الصّميم

لَــكنّي أحــــآاول وَ أحـآاول أنسى وَ أتفاءل باليآاي ..

أقول إن شاء الله كِل شي بيتغيّر .. وَ أحاآرب الدّمعه أحياناَ بابتسآمه ..

لَكن حزة الضيج الشّديد مآروم أزخ دموعي >>> حَساسه شسوي بعد هههههـ

بَـس الحينْ أباكُم تشورون عليّ .. شو أسويّ معآهم هم الإثنين

أمي غلطآانه أدري .. وَ ريلي عنده الحقْ .. الشور شوره في كِل شي ..

بَس مآبي أحس بأني أذنبت في حق أمّي أحآاول أرضيهآا بس من دون فآيده

اللي في رآسهآ لو عآندت ومآ سويته تزعل وتقول إني عآقه !!!

كيف عآقه وأنا أسمع كلآم ريلي !! ..

وَ ريلي لو وصلته كِلمه مني منآكي وإلا شاف تصرف مِن أمي يعصّب وآيد ..

والله من يروحْ ريلي الدّوام وأنا أحس الكون ضآيج فيني .. لأني أسير بيت أهلي

في بيت ريليّ مآ عِندنآ حَد غيري وغير عمّتي وهي حرمه مريضه وكبيره الله يعآفيهآا لإن شاء الله

عَسب جي ريلي مآ يخليني بروحيّ … وَ أنا رآحتي في بيت ريليّ أساساً ..

أحب آخذ رآحتي بعيد عن المِشاكل وأشغل نفسي بالمُفيد ..

أمّا في بيت أهليّ أحس بضيج شديد لأن أمي مآ تقصّر فيني بكلآمهآا الجارح

وَ مآ أقدر آخذ رآحتي وأقعد أفكر وأضايج وأتهمهم مِن أفكآرها السلبيه ..

حآولت معآها بكل الطرق مِن دون أي فآيده

بتقولون لي كَلمي أبوج أخوج .. بـ قول لكم مآشي فآيده .. الوآلده مسيطره عَ الوضع

الحَل بيد ريليّ .. بّس شسوي عشآن أقنعه بأني أظل في بيتي ..؟

بنت عمّي سآكنه عند أهل ريلهآ في ملحق بروحهآ وريلهآ يسافر برّع البلآد بالشهر والشهرين

لكنهآا معززه مكرمه في بيت أهل ريلهآا وفي مُلحق بروحهآا ..

أحيانا تبآت عندهآ حميتهآ لو حست بملل .. ومحّد رمس عنهآا وقال شي لأنهآا في بيت ريلهآ

مب بيت غريب ..، وأنا نصحوني وآيدين قآلولي تمي في بيت ريلج وجآبلي عمتج

هي محّد معآها وحرمه كبيره تِحتآج حَد يجآبلهآا مش الخدامات سايرين رادين عليهآا

يحسسوني بتأنيب الضمير وأنا والله ودّي بس هآذي أوآمر ريلي .. هو يحب أمه وبنفس الوقت

مآ يباآ الناس تتكلم وتقول ليش البنت بروحهآا في البيت .. مآ يحدر إلا في الويكند

والله عند عمّتي مآ أفكر لآ بهم ولآ غم ولأ شي ..

أحب أستقل بروحيّ وأكوَن نفسي مِن أول ويديدْ ..، أبآا أستقر بعيد عن المشآكل

أبـآا أحس إني شخص مرغوب فيه .. ليّ مِكانتي ولي احترآمي ..،

أبا أسآعد عمتي وأجآبلهآا .. أبا أقضي وقتي بالزين ..

في بيتنآ أنا ولآ شي .. يحسسوني بـ دمآر .. مآلي كلمه في البيت ..

وَ ربيّ أبا حل لـلّي أنا فيه الحين ..

أمي أبوي اخوانيّ كلهم ع رآسي .. بس الوآلده الله يهديهآ تفكيرهآ سلبي ومآ تعطي الوآحد أي مجآال

عنيده جداً جداً جداً ..

وَ أنا خلاص مليت مِن هالحآله أبي أعيش حيآتي وأبني بيتي وأكوّن نفسي

أبي أعآون الغير .. أبا أحس بـ مكآنتي .. ثقتي بنفسي موجوده .. بس تحتآج مِن ينميهآ ويرآعيهآا

أحب ريلي لو بشو قصّر معآي .. أحب أميّ مهمآ سوت فيني ..

الحيآه كِفاح .. الحيآه يبآلها صبر .. الحيآه رِحله مآ تتوقف إلا بالـموت ..

أدعي ربي في كِل صلآه يحفظ لي ريلي وأمي ويهديهم ..

ريلي أحبّه .. أمي أحبهآ ..

و مِحتآره شو أسويّ !!

طِلبتكم مِن بعد الله سُبحانه يآ أمهآت ويآ متزوجآت

تشورون عَليّ بـ الصح .. ومآ خآاب من استشآر

و السموحه مِنكم ع الإطاله

ربيّ يحفظكُم وين مآ كنتوا "

أنتي أكثرحده تعرفين طبع أمج …وأكثر وحده تعرفين طبع ريلج
حاولي تحلين المشاكل بدون ماتنحازين أو تزعلين واحد منهم هذا ريلج بس هم بعد هذه أمج مو مشكه جامليها حسسيها أنج مقتنعه بكلامها وقولها حتى ريلي يحبج ومايبا يزعلج ويوصيني عليج خليها تحبه
ونفس الشي عند ريلج قوليله يوم أكون في بيت أهلي أمي توصيني عليك وايد بس مادري شفيها مرات عليك تحملها بس لما أكون عندها بالعكس تتغير وتنصحني كيف أحافظ عليك ومازعلك … وخلك حنين معاها دام انها تحبك
ومب كل ألي تقوله أمج تقولينه لريلج …. صدقيني ترى بيدج تصفين قلوبهم… شويت حركات منج
وينتهي سناريو العناد المتبادل
باجر بعد عمر طويل الله لما ياخذ أمانته (أمج) ماتتلومين في شي وكسبتي رضاها
مهما كان أمج مره كبيره وعقليت هالحريم الكبار غير تحمليها لأنها أمج

هالحَركآت سويتهــآا في الاثنينْ .. وَ مآ فــــآادن فيهم ههههههههـ D:

أحيآنا أكذب على أميّ أقول لهآا ريلي يقول عنّج جي وَ جي >> بأنَج حرمه عآقله وصآلحه ويوصيني عَليج … تِسكت مآ تعلّق .. صبري لهآ يوم يومينْ .. تِرد لحآلها وَ مآ يهمهآ المسآير

ريليّ نفس الشيْ .. أقوله أمي قآلت عنك أنك ريآل ومحترم وفآهم … ولآ فآدن فيه

لآ أمي ولآ ريلي تسآيسوو جي … وَ نـآا صآيره أحمد حِلمي في التمثيل عسب أهدّي الطرفين

مِن دون فآيده .. قآلولي طنشي الطرفين .. واللي يصير خل يصيرْ .. بَس صعبه

لأنيّ طنشت ومآ لقيت غير الحربْ نقعت عَ رآسي هههههههههـ

تِسلمين حبيبتيّ عَ طلتج والنصيحه

وجودج أسعدني

الغاليه أنتي توج في البدايه
شي طبيعي بتحسين عمرج ملخبطه شوي وامورج مب مرتبه

أول شي ,
دام أم ريلج طيبه و انسانه مريضه و محد عندها فالبيت
عيييييييييييب والله عيييب تخلينهااا و تروحين بيت أهلج وضحي لريلج هالنقطه
الكبار فالسن يبون ونس وحد يرد عليهم الصوت ويسولف وياهم
كم باقلهم من العمر ؟ هم بركة البيت
قوليله انا ما أريد أخليها روحها طول الاسبوع
شو فايدة حرمة الولد اذا اهتمت بعمتها ؟ هذي بحسبة أمها خلاص

ثاني شي ,
زوري أهلج مره فالاسبوع يعني مثلا تغدي عندي وتمي لين العشا
وباتي عندهم بين فتره وفتره
بس لا اتمين دوووم دوم دوم عندهم
هالشي مب في صالحج

ثالث شي,
انتي ادرى بطبع أمــج
اذا تشوفينها وايد تتحسس و تتدخل في أشياء
الحل بسيط
لا تعطينها تفاصيل وايد
اذا سألج قوليلها الحمدلله اموري طيبه وكل شي ماشي تمام
واذا قالت لج شي قوليلها مادري بشاور ريلي قبل
حسسيها أنه الشور الأول والاخير الحين لريلج
مع الوقت بتتعود
الأمهات أول فتره يحسن بناتهن ما يعرفن يتصرفن
عشان جي يدخلن في كل شي
يبن كل شي بيرفكت الله يحفظهن ويخليهن

الله أيسر أمورج و يسعدج ويهنيج ويرزقج الذريه الصالحه الي تملي عليج البيت

الغآلـــــــيه • яed • ..

الوِد ودّي أظل مَع أم ريليّ .. وَ كَم مِن بنت قآلوليّ عيبْ أخلّيها وأنآ وضحت هالنقطَه ..،

بَس هآذي أوامِر ريليّ الله يِـحفظه ..

و حتى لو ريليّ قآلي قِعدي مع أمي لأن محّد ويآهآا .. أميّ أنآا مآ بتسكت وبتثور علينـآا ..

لأنهــــآا حذرتني بإني مآ أيلس في بيتْ ريلي بروحيّ وَ لو صآر هالشيّ مآ بتسكت ..،

وأنآ مآبي مشآحنـآات أكثر من اللي أنـآا فيه …

وفي الأخير بيطلعوني أنا وريلي الغلط .. لأنه مآ يصير يخلي بنت بروحهآ في البيت !

تِسلمين حبيبتي ..، نصآيحج ع العينْ والرآس

والله يرزق الجميع إن شاء الله

واجهيها
قوليلها امي ريلي مايحب تدحلاتج فحياتنا ونحن الحين كبار
نعرف شو نسوي وشو لا
ولو احتجنا مشورتج بنردلج
واسمحيلي

بتزعل فالبدايه بعدين بتقتنع فكلامج

ماحب الام الي تتدخل سواءام الزوجة او ام الزوج

الله يصلحها ويهديها لكم يارب

وريلج بيتغير سبب كلام امج حاولي ماتوصلين الرمسة