شخباركم عساكم بخير
طالبتكم طلبه لا تردوني
اخوي عنده التهابات شديده في البطن والدكتورة سمحت له ياكل بس الاكل المطبوخ مافيه دسموه ولا زيوت ولا بهارات حاره والاكل اللي تهضمه المعده بسرعه
بغيت منكم تعطني وصفات حلوه عشان انسويها له
لانه كل مره احنا بس نطبخ له البطاطس مع الجزر ونسوي له رز مطبوخ زياده عشان يلين
ولو كل مره نسوي له نفس الاكل بيمل منه
ساعدوني بخبارتكم
15 مشاهده ولا وحده فادتني بشي
سويله عرسية بدون سمن او زيت ( العرسية البيضاة والحمراء شرات عيش الفوقة ) وبدون بهارات
——————–
سويله شوربة كويكر ( فوري الماي وحطي كم ملعقة كويكر وضيفي طماط وبصل اذا حبيتي وملح وبلاليط او اي شوربة جاخهزة شرات ماجي وكودي وغيره الي تكون بالبلاليط او المعكرونة وضيفي ملح وليمون اذا مسموح وشوية كركم بس بدون اي بهارات ثانية
————-
خذي الخضروات الطازجة مع (البصل والزنجبيل اذا مسموح له وثوم ناعم ) وشوية ملح وكركم وفوريه وهيل وقرفة اذا حبيتي كميات بسيطة او حتى بس ملح وخضروات
————-
كثري الشوربات المصنوعة من الكويكر يعني غيري المكونات الاضافية للكويكر مرة خضروات مرة ضيفي لها شوربة جاهزة مرة بلاليط وبهذه الطريقة لان طعمها لذيذ وتهضمه المعدة وتشبع
—————
دجاج مفور ومبهر بملح وفلفل اسود وليمونة اذا مسموح وياخبز توست هذا المراحل الاخيرة عاد
———
سوي عيش وخضرة مفورين
———
في تركي مدخن ومرتدلا دجاج ويا خبز توست
————-
بلاليط مفور
———-
معكرونة ويا خضرة مفورة بون بهارات ولازيت تسلقينه وتقدمينه في المراحل الاخيرة
الفكرة اختي انج تبعتدين عن الزيوت والبهارات الحارة التي تسبب الهياج والالتهابات مثل فلفل احمر وبزار ومسمار وغيره وتخلون المعدة تهدي وماتتعب بالبداية ويفضل مايكل لحوم وترتاح المعدة شوي وبعدين بالتدريج يبتدي ياخها وبكميات بسيطة جدا يا لحم غنم خروف او دجاج