طبخة ريلي المفضله منوه يعرف يسويها

بنات الله يخليكن تونى معرسه يديد ومالي خبره فالطبخ
خصوصا (العوااااااااااااااااااااااااااااااااااااااال) اللى ريلي متعود فبيت اهله ياكله ويحبه واايد وانا ماعرف اسويه لانى ماحبه
المهم يزاكن الله خير اللى تعرف تسويه او طريقة طبخه تخبرني

والله يعينى علي طبخه

دورتلج وحصلت لج طريقتها ماعرف لو هي الي تقصدينها

والف مبروك ياعروسه

برياني عوال

كيس عوال
3 بصلات متوسطه
2 طماط متوسطه
4 حبات ثوم
بقدونس
بهارات
ورق غار
فلفل حار حسب الرغبه
14 كوب زجاج عيش ……………"أكواب جبن"

1- أول شي تغسلون لعوال بماي دافي الين ما يروح منه الملح .

2- إذا كان كبير تقطعونه قطع متوسطه .

3- دقوا الثوم مع لبهارات والفلفل الحار.

4- اقلوا البصل وبعد مايحمر حطوا عليه الثوم وبعدين الطماط والبقدونس.

5- بعد 10 دقايق حطوا ورق الغار ولعوال.
6- ضيفوا نص كوب ماي على لعوال عسب ينضي.

7- الحين حطوا ماي فقدر ثانيه عسب تسوون العيش وحطوا عليه ملح وزيت "3 ملاعق" وبعد ما يحر الماي حطوا العيش.

8- بعد ماينضي العيش حطوة فمشخله.
9- بعد مايخلص العيش حطوا طبقه عيش بسيطه فالقدر وبعدين حطوا عليها كمية بسيطه من لعوال وبعدين طبقة ثانيه من العيش وبعدين عوال …
"لازم يكون طبقات الين ماتخلص الكميه"
10- غطوا القدر بألمنيوم لمدة 10-15 دقيقه.

من الاكلات الغير المرغوب فيها بالنسبة لي

آستغفرالله’’’ماقصرت الاخت و

ان شاء البنات يفيدونج

اللهم أرنــا الحـق حقـــاً و إرزقنـــا إتبــاعه و أرنــا الباطل باطــلاً و إرزقنـــا إجتــــنابه ….

اللهم إجعـــلنا ممن يتبــعون سنــة الرسول صلــى الله عليــه وسلــم …..

اللهم أعنــا على ذكــرك وشكــرك و حســن عباتــك ….

يمييييي احبه بس ماعرف اسويه
بالعافيه عليكم
ماقصرت حلاوة مصاص

^^

شو العوال يعنى ما عرفت