طبق الناشوز اللذيذ

السلام عليكم ورحمه الله وبركاته

اليوم يايبه لكــم

طبق الناشوز مع صلصة الافوكادوا والجبنة
هالطريقة علمتني اياها ربيعتي وطبقتها كم مرة وواايد لذيذة
وهيه نوع من انواع المقبلات بس صدقوني من تجربونها بتعيبكم وايد بتدمنون عليها

المقادير :
بطاطس الناشوز ( شكله مثلث موجود في كارفور والجمعيات)
جبنه الموزريلا
جبنه الشيدر السائلة
حبة طماط مقع صغار صغار
الفلفل الحار ( على شكل حلقات لونه اخضر موجود جاهز )

مقادير صلصة الافوكادو
2 ثمرة أفكادو ناضجة
فص ثوم
بقدونس مفروم
ملعقة طعام عصير ليمون
ملعقة صغيرة ملح
الطريقة: تهرس الافوكادو وتخلط كل المقادير مع بعض

مقادير صلصة بيضا
الصلصة التغميس (Dip)
علبة كريمة حامضة (sour cream)
2 ملعقة كبيرة بصل اخضر مفروم ناعم جدا
شويه فلفل اسود
شويه بابريكا
رشة ملح او حسب الرغبة
الطريقة: تخلط كل المقادير مع بعض

الطريقة
نوزع نص الناشوز على الطبق وبعدين نوزع الجبن الموزريلا والشيدر ونوزع شويه من الصلصة البيضا
ونرد نسوي نفس الطبقة يعني طبقتين .. على حسب الكمية
ونحط فوقة الطماط
وحطة بالفرن او الميكرويف المهم انه يذوب الجبن

وبعدين نطلع الطبق ونحط فوقة ملعقة من صلصة الافوكادوا على اليمين وملعقة على اليسار ونوزع عليه مخلل الفلفل الاخضر فوقه
وبالهنا والشفا

انتظر ردودكم الحلوة

مشكوووووووره ع الطريقه … واااااااااااايد أحب الناشوز بس ما جد سويتها في البيت … إن شاءالله بطبق طريقتج وشكلها بتطلع لذيييييذه

العفو حبيبتي
وانا بعد يعيبني واااااااايد
وان شاء الله تعيبج الطريقة

ان شاء الله عن قريب ببسويها وبصورها لكم

رووووووووووووعة واكيد دسم ^.^

هيه اختي دسم لكن لو تبين تخففين دسومة ممكن تستخدمين جبن قليل الدسم وتستغنين عن الصلصة البيضا

وبالهنا والشفا

حطيلنااا صوره ابي اشوووف

مشكووورة اختي انا اموت عليه واايد خصوصا بالصلصة الحارة..