طرشتلها رسالة خاصة هنيه في المنتدى وشوفوا شوه ردت عليه

السلام عليكم
بنات بغيتكم تشوفون رسالة ارسلتها حق وحده من الاخوات هنيه في المنتدى … وانا ما بقول منوه هيه البنت ولا بقول شوه توقيعها …. مع انه توقيعها هيه حاطتنه بكل براءة بس شوفوا شوه صار ….. واللي اريده منكم تحكمون على اللي سويته انا غلط او لا ……..

رسالتي هذي _________
السلام عليكم
الغالية سمحيلي بكلمج عن توقيعج … ادري انتي حاطه هالصورة بكل براءة بس الصورة تثير الغرائز ويمكن فيه بنات عندهم علاقات حب وغرام بينهم وبين بنات غير فمثل هالصورة بتهيج مشاعرهم … حتى لو كانوا يبون يتغيرون ويتوبون بتظل هاي الصورة تخلي هالعلاقات في نظرهم حلوة

سامحيني ما ودي تزعلين مني … بس انا اعرف انج انسانه عاقلة وبتفهمين شوه اقصد ….
يعني حطي شي في توقيعج تستفيدين منه في اخرتج …. او على الاقل اي شي جميل …. لكن صورة احتمال يكون فيها شبهه شوه تبينها

وتقبلي محبتي

_________________

والحين بحط لكم ردها ….. طبعا ردها مختلط برسالتي لانها سوت مزج بينهن بس انتو بتفهمون لانه كلامها هيه بيكون باللون الازرق
—————————————-

السلام عليكم
وعليج السلام والرحمة ،،،،،،،،
الغالية سمحيلي بكلمج عن توقيعج … ادري انتي حاطه هالصورة بكل براءة بس الصورة تثير الغرائز ويمكن فيه بنات عندهم علاقات حب وغرام بينهم وبين بنات غير فمثل هالصورة بتهيج مشاعرهم … حتى لو كانوا يبون يتغيرون ويتوبون بتظل هاي الصورة تخلي هالعلاقات في نظرهم حلوة
أظني البنت العاقلة المتربية على أصول وتقاليد دينا ما بتحرك هالصورة شي في مشاعرها وأنا من يوم يومي من دخلت هالمنتدى ما لقيت إعتراض من أي إنسان كان إلا إنتي والمحبة في الله هي مبتغى اليميع فكلن له رايه وسمحيلي أقولج إن كل تواقيعي نفس هذا التوقيع ولا حد هزأني ولا قالي شليه لأنه يثير المشاعر بالعكس محبة الله فوق كل شي وأنا أبصم إني ما حطيت هالصورة للغرض إللي يفسد البنات كل وحدة أدرى بنفسها
سامحيني ما ودي تزعلين مني … بس انا اعرف انج انسانه عاقلة وبتفهمين شوه اقصد ….

مسموحة الغالية … فهمت القصد وأحترم وجهه نظرج وفي ناس تواقيعها أشد عني ليش بالذات قصدتيني أنا ما أدري
يعني حطي شي في توقيعج تستفيدين منه في اخرتج …. او على الاقل اي شي جميل …. لكن صورة احتمال يكون فيها شبهه شوه تبينها

شبه شو ؟؟؟؟؟؟؟
فديتج أنا عاقلة وأعقل من هالأشياء فرجاءا
وتقبلي محبتي

السموحة : إختج

الله يهدي الجميع …

انا بصراحه ما شوف ردها فيه شي !!
يعني انتي كلمتيها بأدب وهيه ردت عليج بأسلوب محترم بعد
يمكن لاني ماعرف الصوره عن شو تتكلم ولا اعرف الموضوع ما بقدر ادافع عن اي طرف
بس من ناحية الاسلوب كلكن ذوق وادب بصراحه محد غلط ع الثاني فيكن
والله يديم المحبه آمين

منوه اللي ما قالت شي يزعل

ما فهمت

ومشكورة على الرد

انا مااشوووف شي فرسالتها مجرد انهاا ردت عليييج

وكل وااحد حر في التوقيييع وهي بتأثم اذا شي مب زين

وانتي الله بيزج الخير لانج قدمتي النصيحه

والله يهدييها ويهدي الجمييع

الحمدلله ريحتيني
وطبعا ما اقدر احط الصورة …. عشان جيه ما بتقدرون تحكمون على اللي صار
عالعموم كلنا خوات وحبايب إن شاء الله