خواتي منو تعرف كيف يسوون القهوه التركيه او التركش ريلي واايد يحبها ويشتري البن مالها عشان اسويله بس ما تستوي مثل مال الكوفيهات ابي اتعلم ..الله يحقق امنيتها اللي بتعطيني الطريقه الصحيحه بدعيلها في كل صلاة
وتصبين ماي اشوي على قد الكوب الصغير ما الكوفي واتحطين عدد الملاعق من القهوة على حسب اللي تبينه تبنيها غليظة ولا خفيفه والشكر كذلك نفس الشي وبس تفور كمن فوره وهني وعافيه
اولا الماء لازم مع القهوه لا تحطي القهوه بعد ما يغلى الماء لازم يغلون سوا
واهم شيء حطي حب هال غير المطحون اللي يجي مع القهوه ولو بتطحنين وبتزودي عليها بيكون افضل
وبعد شيء مهم زوجك لما يشتريها كيف يشتريها
لانها نوعين محروق وشقراء يعني مو محروقه ما اعرف لو فهمتي علي
على كل حال احنا نخلط نص بنص احسها بتكون اطيب
وفي ناس تغليها بس 3 غلوات حتى يحافظو على وجهه القهوه وفي ناس يحبوها مغليه كثير انتي حسب زوجك شو يحب
والسكر اكيد حسب الرغبه
ربي يحفظ بيتك
المشاركة الأصلية كتبت بواسطة ام سالم 
وتصبين ماي اشوي على قد الكوب الصغير ما الكوفي واتحطين عدد الملاعق من القهوة على حسب اللي تبينه تبنيها غليظة ولا خفيفه والشكر كذلك نفس الشي وبس تفور كمن فوره وهني وعافيه
مشكوره اختي عالرد بس انا هالطريقه اسويها بس ما تطلع نفس الكوفيهات …يوم تشربين القهوه عندهم تحسينها ثجيله وما ينزل البن مالها تحت بس في البيت ينزل وتستوي مثل المي بس لون ماشي نكهة البن
المشاركة الأصلية كتبت بواسطة ام مايا اولا الماء لازم مع القهوه لا تحطي القهوه بعد ما يغلى الماء لازم يغلون سوا
واهم شيء حطي حب هال غير المطحون اللي يجي مع القهوه ولو بتطحنين وبتزودي عليها بيكون افضل
وبعد شيء مهم زوجك لما يشتريها كيف يشتريها
لانها نوعين محروق وشقراء يعني مو محروقه ما اعرف لو فهمتي علي
على كل حال احنا نخلط نص بنص احسها بتكون اطيب
وفي ناس تغليها بس 3 غلوات حتى يحافظو على وجهه القهوه وفي ناس يحبوها مغليه كثير انتي حسب زوجك شو يحب
والسكر اكيد حسب الرغبه
ربي يحفظ بيتك
مشكوره حبوبه ابيها نفس مالت الكوفي وشكراا علي المشاركه
أنا بقولج طريقتي بعمل التركش كوفي
اول شي احط ماي دافئ بالغوري الخاص بالتركش واضيف ملعقة صغيره سكر لان زوجي ما يحبها سكر زياده
انتي حطي من ملعقه لملعقتين من السكر حسب اللي يحبه زوجك وخليها على النار لين يفور الماي بعد ما يفور الماي بعديها عن النار شوي وضيفي لها من ملعقتين يلين ثلاث ملاعق قهوه وخلطيها زين بالملعقه ورديها على النار
يلين تغلي بس لا تخلينها تطلع برع الغوري وشيليها بسرعه وصبيها بسرعه بالكوب وان شاء الله تضبط وياج
المشاركة الأصلية كتبت بواسطة ام بوشهاب أنا بقولج طريقتي بعمل التركش كوفي
اول شي احط ماي دافئ بالغوري الخاص بالتركش واضيف ملعقة صغيره سكر لان زوجي ما يحبها سكر زياده
انتي حطي من ملعقه لملعقتين من السكر حسب اللي يحبه زوجك وخليها على النار لين يفور الماي بعد ما يفور الماي بعديها عن النار شوي وضيفي لها من ملعقتين يلين ثلاث ملاعق قهوه وخلطيها زين بالملعقه ورديها على النار
يلين تغلي بس لا تخلينها تطلع برع الغوري وشيليها بسرعه وصبيها بسرعه بالكوب وان شاء الله تضبط وياج
وانا بضيف على رمسه اختي
لو اتضيفين عليها حليب ابو قوس قبل ما تغلي الماي بيطلع رووووووووووووووووووووعه