السلام عليكم خواتي
فديتكم بغيت طريقة عمل برياني الربيان …
واللي تعرف ما تبخل علينا و ترد عليه
يزاكم الله خير
العمر
الغاليه برياني الربيان شرات برياني الدياي او اللحم نفس الطريقه مافي شي مختلف
انا اسوي البرياني بنفس طريقه برياني الدياي
يعني اول شي اقطع البصل حلقات واقليه عقب اعق عليه الربيان واتم احمسه ويا البصل شوي
يوم ينشف الماي مال الربيان اعق عليه الزنجبيل والثوم والكزبره وبعده بشوي الطماط
واذا تبين روب خلي الروب بفتره برع الثلاجه عسب مايتم يستوي مثل الحبوب يوم بتخلطينه ويوم بتخلطينه بعد اخلطيه ويا ماي شوي وصبيه فوق الربيان وحطي البزار والملح
عاد انتي مسويه العيش وشاخلتنه وفي المشخله لوني العيش بالزعفران
وعقي العيش على الربيان بعد ربع ساعه ولا يوم بتشوفين ماي الروب خف شوي
يعني اول شي اقطع البصل حلقات واقليه عقب اعق عليه الربيان واتم احمسه ويا البصل شوي
يوم ينشف الماي مال الربيان اعق عليه الزنجبيل والثوم والكزبره وبعده بشوي الطماط
واذا تبين روب خلي الروب بفتره برع الثلاجه عسب مايتم يستوي مثل الحبوب يوم بتخلطينه ويوم بتخلطينه بعد اخلطيه ويا ماي شوي وصبيه فوق الربيان وحطي البزار والملح
عاد انتي مسويه العيش وشاخلتنه وفي المشخله لوني العيش بالزعفران
وعقي العيش على الربيان بعد ربع ساعه ولا يوم بتشوفين ماي الروب خف شوي
وبالهنا
مشكورات ما قصرتن حبيباتي ,,,
بس سؤالي لازم افور الربيان قبل ما استخدمه ولا ؟
لا يا ختيه ما يحتاي اتفورينه ..اظن لو اتحطين كزبره ونعناع بعد بيغدي بريانيج غاوي
أنا افوره شوي بالجرفه والهيل والكركم عن الزفره ..
واسوي نفس خلطه الاخت ميثانه فنانه بس احط بزار مدراس وملح وفلفل اسود ..
يطلع كاااري وريحته وايد تهبل
حتى العيش يوم اتفورينه فوريه مع الجزر قطعيه شرائح…
واسوي نفس خلطه الاخت ميثانه فنانه بس احط بزار مدراس وملح وفلفل اسود ..
يطلع كاااري وريحته وايد تهبل
حتى العيش يوم اتفورينه فوريه مع الجزر قطعيه شرائح…
هـــنا
هاي طريقتي وان شاء الله تعيبج 