طريقة عمل خبز الخمير باستخدام جدر الخمير الكهربائي من مطبخي

خواتي اليوم عندي لكم طريقة وااايد لذيييذ لخبز الخمير

أتمنى أنها تعيبكم وهي سهلة وبسيطة

اهم النقاط :

1- اهم نقطة : وقبل اي استخدام شوفي فيشة الكهرباء ,,فيه جزء كرتوني ,, شيليه فوررا قبل ماتحطينه في الكهرباء

في بداية الاستخدام بتشمين ريحة ,, وشوية دخان
هذا طبيعي لانه الجهاز يديد و يطلع ريحه كاي جهاز ثاني ,, وهذا ابدا مايعني انه احترق
اذا خفتي سكري الجهاز و اتركيه لين يوم ثاني و استخدمية و بتشوفين مافيه اي ريحه و عادي يشتغل

الفيشة تتركب دايركت في الكهرباء و لا تستخدمون اي محولات لتشغيلة : لانه نقطه هامه جدا و لاتقولون بعدين الجدر احتررق

2- الراس ماينغسل ,, تخلينه يبرد تماما و تمسحونه من فوق بفوطة نظيفه !!

3-الجدر بسرعه يصير حار فانتبهي عن تحرقين ايدج والبسي قفازات القماشية

4-افضل شي لا تخلين الخدامه تعابل الجدر الا اذا تعلمت منج كيف الاستخدام بالضبط و راويتيها طرق الاهتمام به

5-الجزء السفلي من الجدر ينغسل بالماي الصابون اما الجزء العلوي فيه
كهرباء فانتبهي انه ماينغسل ابدا ابدا

6- يرجى قراءة الوصفه المرفقه مع الجدر جيدا قبل البدئ في التشغيل الجدر الكهربائي

والانتباه للفترة الزمنية اللازم لخبز الخمير عشان مايحترق

نيي للمقادير

مقادير العجينة

طحين كوبين و نصف
ملح نصف ملعقة طعام
خميرة ملعقة طعام
سكر ملعقة طعام
سمن ملعقة طعام
حليب بودرة ملعقتين
ماء كوب واحد

طريقة التحضير

تابعوني لمعرفة طريقة التحضير

يتبع

من اسباب نجاح اي عجينة ان كانت عجينة خبز الخمير او غيرها هي صلاحية الخمير
اول شي لا تخزنون الخمير في كبتات المطبخ
بعد ماتفتحون العلبة الافضل تحطونها في غراش مثل هاي و تخزنونه في الثلاجه ..تاكدوا ان الخميرة مش قديمة

نسخن الماء العادي شوي في غلاية الماء الكهربائيه 10 ثواني بس .. عشان يكون فاتر
وبعدين نحط كل المقادير اللي فوق مع بعض في طاسة كبيرة شوي
نخلط العجينة دقيتين ثلاث باستخدام الخلاط و بتتكون عندنا عجينة طرية جدا و ناعمة الملمس و ماتلصق بالايد
نغطيها زين و نحط العجينه في مكان دافي ونتركها نصف ساعه الى 45 دقيقة
مايحتاج نتركها اكثر عن جي عشان لا تظهر ريحة الخميرة في العجين
بيتضاعف حجمها و بيصير جي

ناخذ مقدار من العجين بحجم التفاحة الصغيرة و نكورها و نتركها في صينية يكون فيها شوية طحين
تلاحظون في الصورة نشابة صغيره استخدمها لفرد العجينه وهي مريحة وايد

نييب جدر الخمير و نتركه 4 دقايق لين ما اسلاك الحديد من داخل تحمر بهالصورة

الجدر طبعا يكون مسكر
ناخذ العيين المفرود و نحطه على راس الجدر

[/IMG]

عسب الخمير من تحت ينضج ,, بعد 20 ثانيه ,, ناخذ الملاس و نحط العيين داخل الجدرونسكر عليه
بالضبط 30 ثانيه هب اكثر وافتحي الجدر و طلعي الخمير
ان تاخرتي اكثر عادي الخبز بيحترق
لان الجدر سررررريع جدا
لاحظوا الصورة كيف من تحت و فوق العيين نضج و انتفخ

بنفس الطريقة ترومون تسوون كل المعجنات بجدر الخمير

لكنها تحتاج لزمن اطول

من فوق 3 دقايق تقريبا

وبعدها تدخلون داخل الجدر دقيقه وحده او الى ان يحمرررررر

هاي الصور توضح

وهاي صورة للمعجنات مسويتهم ع الجدر

تسلم ايدينج يالغلا ويعطيج الف الف عااااااااااافيه والله ما قصرتى

نسيت اقولج موتينى من اليوع يويلى اذا اتوحم وين بحصلج هههههههههههههه

الغالية وييين حصلتي النشابة هاذي؟؟؟

هههههههه

تسلمين حبوبة ع التشجيع
والله توني يايه من المطبخ مسويته ونزلت الطريقة على طول
للحين حد ما اكل منه
تفضلي عندي و كله لج