لاحظت انه وايدات يعانن من مشاكل ازالة الشعر في المناطق الحساسة
هنا في المنتدى…و برع عند ربيعاتي و ربيعات ربيعاتي و ربيعات ربيعات ربيعاتي ههههه
الكل يعني ..
انا طريقتي وايد سهله و وايد حلوه و كل ماسمع وحده تتحرطم والا تشتكي او جيه بروحي من نفسي
اخبرهن عن ها الطريقه
هي بسيطه و بالموس بعد … لا و اخبركن بعد انه الشعر يتأخر و المكان يكون ناعم
و يوم يطلع تكون سماكة الشعر اقل و اخف
وانتي بعد بتلاحظين الفرق من أول مره من تجربه …
قريت عن هالشي في واحد من المنتديات و يزا الله البنت خير الجزاء
وانا الحين بفيدكم
السالفه كلها …
انج تحطين نشا
اللي ينباع في الدكاكين … ماحصلت له صورة .. بس النشا العادي مال الاكل اللي ايي فعلبه صفرا
و موس حلاقة نسائي
انا اللي عندي من جلييت اظن جيه اسمها ب 29 أو 25 درهم
الطريقه
تحطين النشا على المكان المراد حلاقته
و تشيلين الشعر عادي
عكس اتجاه نموه
و بس!!
و يوم تشوفين الموس انترس من النشا و الشعر بس تضربينه شوي عشان يطيح
و تنفخين عليه و تكملي و الموس يتم نظيف
عن تجربه شخصيه
النتائج عندي كالتالي:
نسيت شي اسمه حبوب صغيره بعد الحلاقه
نسيت شي اسمه حكه!
و اذا حسيت بحكه تكون خفيييفه مب مثل قبل يوم كنت احس اني بقطع عمري
و الأحلى من هذا انه الشعر يتأخر في النمو و يوم يطلع يكون خفيف .. أو أخف من قبل بوايد
أنا الى 3 ايام مايطلع لي شعر
و من 4 الى 7 يطلع خفييف و نااعم !
و من 8 ل 14 يوم يكون خفيف و قصير
انا مب متزوجه فما أشيل الا من دورة لدورة
و دورتي كل 25 يوم .. و لين 25 يوم يكون الشعر خفيف والله و ناعم و قصير
و احيانا اذا دقت براسي احط زيت زيتون احيانا
لاني اعرف انه يخفف من نمو الشعر
حتى احيانا عقب ما اشيل شعر ريلي او ايدي بالحلاوه أو المكينه
احط نشا و امشي الموس فوقه
و يكون ملمس جسمي ناااااعم
و مايطلع لي بسرعه بعد
ملاحظة : انا مره شفت في برنامج اوبرا انه الموس يستخدم مره واحده فقط!!.. بس المختصين عطو كأقصى استعمال للشفرة الوحده ثلاث مرات …
بس انا استخدم الشفرة الوحده وايد هههههه
اتمنى اني أكون فدتكم
واللي عندها أي سؤال أنا حاضرة
والله انج فدتييينا بيرب هالمره وبخبرج بالنتايج 
اتريا النتايج …
والله يحقق لج اللي تتمنينه يا رب
بس النشا لما تحطينه يكون ناشف وإلا تخلطينه مع ماي؟؟؟
تحطينه عادي مثل الفودر
و يسمونها الحلاقه الناشفه
شكلي بجرب هالمرة