طريقتي في العناية بالخياطة وجرح الولادة

فالبداية أحب أقولكم أهم شي النظااااااااااافة..

في اليوم الأول اغسلي المكان بالماء الدافي ..حاولي تغسلينه بإيدج زين وبلطف شوي شوي…بعدين نشفي المكان عدل وحطي كريم دكسيبان Dexipan…استخدميه على طول بعد الولادة ما منه خوف لأن المستشفى واصفينه لي..

بعد 3 أيام من الولادة…أغسلي المكان بالماء الدافيء وصابونه لايف بوي القديمة الحمرا لأن مافيها عطر…ولا تستخدمين لايف بوي الجديدة اللي تجي بثلاث ألوان…وإذا ما لقيتيها استخدمي صابونة الديتول الأصلي الصفرا…مرتين في اليوم الصبح أول ما تصحين من النوم و في المساء قبل النوم…

بعدين اغسلي المكان بماء فيه شوي مرة ( منقوع المرة حطيه في زجاجة)….

احرصي إنك ما تجلسين في ماي وملح ..ولا تستخدمين تحاميل الملح ..يعني ابتعدي عن الملح لمدة 10 أيام على الأقل لأن الملح يخلي الخيوط تذوب بسرعة قبل ما يلتئم الجرح) بعد الـ 10 أيام استعملي الملح

واستخدم الـ Mercurochrome الأحمر بعد 3 أيام تقريباً…ومرهم ميبو Mebo بالمناوبة مع كريم الدكسيبان..

سوي كل هذا في كل مرة تدخلين الحمام (وإنتي بكرامة) وإن شاء الله ما بتتعبين من الجرح وبتدعين لي