طريقتي في العناية بجسمي كامل ! ()

السلام عليكم و رحمه الله و بركاته

شحالكم

ان شاء الله بخييير

حبيت اطرح لكم طريقتيه في العنايه بجسمي .. عل و عسى افيد حد ..
و بالمره اشارككم معاناتي ههههه

اناا وحده ما خليت شي ما جربته و تعبلت وايد ف عمري
بس القهر خربت على عمري و كنت صغيره و ما اهتم عادي عندي لو اتشوه هههه

بس الحين حسيت بقيمت العنايه بالجسم كامل

انا بشرتيه حسااااااااااسه بشكل فظيييييييييع لدرجه مالقى يناسبني الا بعد ما تطلع روحي من التجارب

فـ ان شاء الله بفيد لي بشرتهم حساسه مثليه

اول شي راسي .. (( ويهي )) ..

اول ما اقوم الصبح اغسل ويهي بصابون جونسون بيبي العادي .. الاورجينال يعني ..

و انشفه بالفوده اهم شي ما ادعك بقوو .. يعني طبطبه خفيفه ..

و بما اني ادااوم .. اسخدم وااقي شمس لكن للاسف لين الحين ما لقيت واحد ما احسس منه.. لكن استقريت نسبيا .. ع واقي سيبا ميد .. للبشره الحساسه و ما اقول بيييرفكت بس اوكي يعني .. شي احسن من لا شي .. ما لقيت له صوره .. مب مهم لانه ماا اشجع حد عليه هههه

بس القهر ماشي واقي مب زيتي .. و انا بشرتيه دهنيه .. و تم تصلق جنها صلعه مدهونه بدهان تاتا
فأحط عليها بفرشااه بوودره بشكل خفيف حتى ما يبين اني حاطه .. بس عشان ما يتم يصلق و ملوويص.. بس بعد يسبب لي حبوب ههههه << ف قررت اودر هالطريقه و اروح لدكتور جلديه ينقذني

المهم ..

حتى شفايفيه حساسه هههههه << مصاخه عاد << استعمل لابيلو فيه جلووس خفيف و الحمدلله اوكي هههه ع الاقل اقدر اتعدل شوي و ف نفس الوقت حلو عشان ما يتقطعن الشفايف

.. و اهم شي الفليل .. ادهن ويهي كله بفازلين و و شفايفيه معاهن .. واستخدم طريقه الفرشاه عشان اخوز اليلد الميت من شفايفيه و ربي حلوه الطريقه لا تفوتكم ..

انزيين و يووم ارد عااد .. اتسبح و جي .. و ف نص السبووح استعمل سكرااب بنيفيت .. عسل و لوز تلقونه ف باريس جاليري .. وايد حلو و الحمدلله ما حسست منه .. و ينظف زييين و يخلي البشره ناعمه ..

مرات تيني هفات اسوي مااسك .. علمتني اياه ربيعتيه يوم قلت لها بشرتيه حساسه ما اقدر استخدم ماسك من السوق .. هو خيار مبروش و روب و شويه ليمون .. الخيار ما نخليه عصير و الا بتخترب الخلطه .. حطوه ع ويهكم نص ساعه .. و شوفو كيف البشره حلوه

و مره ف الاسبوع اسوي هالزقه مالت الخشم ..عشان الرؤوس السودا .. حلوه و تخوز كل الرؤوس السوده و الدهون المتراكمه ..

ني عند المصيبه الكبرى .. شعر الويه .. انا الحمدلله الحمدلله قوولو ماشااء الله .. شعر وييهي اشقر طبيعي و خفيييييييييف ابد ما يبين .. الحمدلله نعمه من ربي … بس الشوارب ..مب انه وايد لكن يبين و ف المناسبات ماحبهن يبينن يخربن العدووول متمكيجه و الحاله لله و من هناك شوارب .. هههه

التشقييير ابد ما ينفعني حبووووب و تهيييج و حاله .. اشله .. انسوو احسس من الهوا العابر .. ربيعتيه قالت موس .. بس شو مووس بسوي لحيه هههههههه .. فكرت اسوي سوفت لايت والله يعلم لوول

جييه نكون خلصنا من الوييه ..

ني للجسم ..

اتسبح كل يوم و مرات اكثر من مره ..لاني لو يوم واحد ما غسلت جسمي الله لا يراويكم شو يستوي فيني .. خلني ساكته

المهم .. يوم اتسبح .. استعمل شوور جل من ماركه كاميل .. مشهووره ف الماانيا .. و استخدم جوونسون .. حلوو بعد ..

استخدم سكراب من بودي شوب .. مال البابايا .. طبعا جسمي يااكلني منه بس يعيبني ..

يوم خلص .. استخدم الحين ملح اليووكو سبا .. حلو بس مادري مب لين هناك حسيته ..

كنت احب البيبي اوويل بس للاسف ما يناسبني اول شي حلو بس عقب نص ساعه يلدي يستوي حراشف سمجه … وعععععع كرهت عمري منه ..
طبيته .. و الحين استخدم كريم فازلين مال ال الـــــ شسمه يا ربي .. ماال كاكاو بتر .. حلو مع انه احس ريحته مزعجه .. لكن فاادني وايد ..

مرات استخدم زبده الكاكاو من بالمرز .. عشان عندي تشققات في فخوذي بسبت ضعفت وايد فجأه .. و حلو بعد و ريحته اوكي ..

انا ما اشل شعر جسمي كامل .. لكن بشكل نسبي .. استخدم شرايح فييت .. للبشره الحساسه .. و مرتاحتله ..
و الشعر لي تحت اليلد .. ادهن جسمي بفازلين بكميه كبيره يعني يكون فاااائض ع الجلد .. و ادعكه بمبرد الريوول و الفازلين فييه .. و الله يطلع الشعر لي تحت اليلد ^^.. بس هاا مال الريول لي يكون حجر هب تيبن حديد يقطع يمبكن و تدعن عليه
اما المنطقه الحساسه .. العوووووووووووق
قسم قسمات ما خليت شي .. جلبت الدنيا فوق تحت فيها .. والله والله كانت بيييييييضا و حلوه كأنه بشره بيبي .. بس سفاهتيه خربت كل شي ..

بديت بالموووس و حسست بالقووو حبوب و حكه و حاااااله لييين اسودت .. نعم انها اسودت .. و القهر علامات الحبوب ..

جربت كريم فيت .. و حسست بشكل فظييييييييييييع .. وحده نصحتني فيه .. ياليتني ما سمعت كلامها ..

لين غدت المنطقه صخاامه … فحمه .. و استويت اتحسر ع الماضي المجيد ..

و اعاتب سواد الليل لي هناك ههههه

انا طبعا وصلت حدي من الموضوع و خبرت الماما هههه .. قالت اصلا ماشي احسن من الحلاوه و لي يقولج تضر هاذي اشاعات .. لانه كلهم من سنييييييييين سنيييييين يستخدمونها ولا ياهم شي .. غير الي الله كاتبنه ..

و اهم شي ما تلصقونها ع اليلد .. يعني بس تقبضون الشعر بهاا .. و النتايج حلوه .. بس مش عندي طبعا

انا من كثر الدم لي نزل مني ع بالي نزيف و ربي .. بس اقولكم تفتحت المنطقه و شي حساسه بعد شيل الشعر بس اخف من الموس .. لكن للللكن .. تتهيج عندي بسرعه و توورم لانه حساسه زياده عن اللزوم .. بس شو نسوي ما باليد حيله .. جربت الوااااكس و حلو ما يعور مثل الحلاوه .. اول شي احط بورده بيبي جونسون بعدين امد الواكس .. جربت مال ميم ..
و شي واكس يجنن عند نزييه .. بنكهات مختلفه ..و يستخدمونه ف الصوالين .. جربو حتى لو للجسم ^.^
و شفت في برنامج ذا دكتوورز وحده مراهقه تسأل عن الواكس .. حق هالمنطقه .. لانه ما يعيبها الموس’.. و قالت الدكتووره اوكي عادي و زين و احسن من الموس .. بس في ناس يبون الموس عشان ما يتحملون الالم ..يعني لا تخافون ما في منه مضار ..

ابا اسوي ليزر للمناطق الحساسه .. دكتورتيه قالت ماشي حل غيره .. لانه اذا تمت تحسس بشرتيه و تتهيج كل مره .. يمكن يستوي مضاعفات .. لكن انا مابا اكشف عورتيه .. ابا مكان يخليني اسوي بروحي ..

و علاج السواد .. لين الحين ما وصلت له .. لكن اممممممم نصحتني بكريم .. قالت استخدمه شهرين .. استعملته شهر و السواد استوى بني بسس ما خف وايد .. حسيت ماله فايده .. يمكن لانه سواد سنين تم .. و يباله حفله .. و طبعا ماقدر استخدم تقشير لانه عندي اسمه تقطيع .. يلدي بيتفتت ف ايدي و بيروح فيها .. خلوها ع الله ..

اختم موضوعي .. بعنايتيه بريولي ..
استخدم ماسك بودي شوب للريول .. و يوم بيي ارقد ادهنهن بفازلين و البس دليغ و انام ..<< دليغ مب رااص يكون وسيع عشان ما يأثر ع الدم و مادري شو ..

ووو هييك اكون خلصت موضوعي .. ان شاء الله تكونون استفتدو من تجاربيه .. و اتمنة لي عنده حل لمشاكليه يسااعدني و بدعييييييله ..

ياوييييييييييييلي غمضتييني وااايد حسااااسه ,,,,,حبيبتي عقب ماتشليين بحلااوى ادهني بسودو كريييم يخفف الحسااسيه والالتهااباات ,,
وعنااايتج حلووووووووووووووووه وربي يوفقج

ههههههههههههههههههههههههه

عيبني اسلووووبج في طرح الموضوووع يووم تتكلمين عن الويه حسيت انه ويهي اخاااف من كل شي

حتى كريم الأسااس قمت اخااف استعمله لن يوم احطه احس يحرقه استويت احط كونسيلر بس تحت عيوني والط عيوني جحاال

لكن والله استمتعت واناا اقرا الموضوووع واستفدت منه وانشاالله البنات يستفيدون

ومشكوره على هالطرح الرائع عزيزتي اتمنالج التوفيق ^_^

بالنسبه لواقي الشمس استخدمي ultra touch من نتروجينا وايد خفيف وانا بشرتي دهنيه

وبغيت اسالج عن لابيلو الجلوس من وين احصله لاني ما احب استخدم الروج ولا الكلوس من مركات ثانيه وادور من لابيلو ؟؟؟

ما شاء الله علييييييج

حلوو موضووعج وطريقتج بعد حلوه

تسلمووووووون كلكم ع المرور

أول العنقوود .. سوودو كريم .. من وين ياخذونه ؟

جمر بارد .. جربته الترا توتش و سيم سيم هههههه
لابيلو من الصيدليات تلقينه .. و حتى محطات البترول اذا شي قريب عليج ..و في السوبر ماركت بعد

مشــكــــورة حيااااااااااااااتــي
وتسلمين.. أنا بعد أستخدم سكراب بودي شوب صراحة رووووووعة

^ _ ^