طريقتي للحفاظ على المنطقه خاليه من الافرازات والسواد !

السلامــ عليكمــ ورحمه الله وبركاته ..

شحالكمـ خواتي إن شاء الله بخير ..

طبعا هاي اول مره اكتب في هالقسم ..

الصراحه احترت وين احط موضوعي لأنه مهم للبنات وللحريم بعد

وللاسف اغلب البنات مايعرفون هالشي والسبب ان اهالينا يستحون يعلمونا ..

::

اكيد كل بنيه تعاني من افرازات او باللغه العاميه الماي .. اكيد فاهميني ..

حتى اللي ماتعرف .. هو يكون لونه شفاف العاده وتحسينبه مثل الماي ..

وبالتالي تضطرين تغيرين ملابسج الداخليه اكثر عن مره في اليوم ..

بس إذا كان له لونه اخضر او اصفر .. هاي شي ثاني ..

بعدين بوضحه لكمـ ..

::

المهم ..

انصحكمـ بغسول الصراحه كلمه روعه شويه عليه ..

اسمه الغسول الحميم ..
من ماركه كيرفري Carefree

غرشته شفافه وعليه ستيكر وردي ..

تراه طبي .. بس شويه من الناس من يعرفه ..

ينباع في كارفور و الصيدليات .. عند الفوط الصحيه ..

هذي صورته ..

بخبركمـ فوائده ..عن تجربتي :

# يعقم المنطقه وينظفها ..

# يحافظ على المنطقه من الالتهابات ..

# يقلل الافرازات ..

# يعطي ريحه حلوه للمنطقه ..

الصراحه روعه .. جربته ونصحت فيه خواتي المتزوجات وفعلاً حسو بالفرق ..

خواتي لازم ماتغسلون هالمنطقه إلا بهالغسول .. سواء كنتي بنيه او متزوجه ..

ع فكره خواتي بقولكم شي مهم وايد ..

سواد المنطقه الحساسه تيي بسبب ..

# نوع الملابس الداخليه ..

# الافرازات ..

# السمنه ..

الحل ..

– لازم تلبسين ملابس داخليه قطنيه 100% ..( بتلاقون في ماركس اند سبينسر )

– اغسلي المنطقه بغسول كيرفري مره او مرتين كل اسبوع مب اكثر ..

( لا تحسبين لو غسلتي اكثر عن مره او مرتين ..
انج بتعالجين المشكله بسرعه .. انتبهي )

– نشفي المنطقه بالكلينكس بعد كل حمام .. وانتو بكرامه ..

– حاولي بين فتره وفتره انج ماتلبسين الملابس الداخليه ..
(عشان المنطقه تتهوى شويه وماتتعرض للرطوبه )

طريقه الغسول :

الطريقه سهله .. مجرد انج تحطين كميه بسيطه من الغسول وتغسلين به المنطقه ..
مثل يوم تغسلين الطفل اللي يسوي الكبيره او ( الكع ) .. وانتي تكرمين .. وتفركين المنطقه به فرك خفيــف ..
اهم شي ماتتعمقين في غسل المنطقه .. يعني مب تغسلين لداخل ..
مجرد المنطقه الخارجيه ..

وبعد فتره بتلاحظين انج مابتعانين من الافرازات ..

وبتلاحظين ان المنطقه فتحت لونها ..

والطريقه مثل ماوضحت لكم فوق .. مافيه اي نوع من التعب ..

مجرد ملاحظات بسيطه ..

اتمنى تجربتي تفيدكم .. وصدقوني كل كلمه كتبتها عن تجربه ..

وماكتبت هالموضوع إلا لأني شفت وايد من ربيعاتي مايعرفون هالشي ..

ولأي سؤال انا حاضره ..

دعواتكمـ لي ..

اختكم AD Classic

^__^

العفوو حبيبتي ..

سيتيال مانصحه للبنات .. شويه قوي عليهم ..

ينفع للمعرسه اكثر .. لأن يجفف المنطقه واايد ..

بس كيرفري مناسب سواء للمتزوجه او لا ..

تسلمين ع كتابه تجربتج الغاليه