طريقه البلاليط

السلام عليكم ورحمه الله وبركاته

بنـــآت بلييييز بدي اعرف طريقه البلاليط بس بدون بيض ؟!!

أخذي كميه من البلاليط وحمريها بالتاوه من دون زيت

حركيها عسب ما تحترق عنج

وترسي الماي بالجدر وصبي شويه زيت عشان ما تلصق عنج

ولما يفور الماي حطي البلاليط المحمره والعاديه وخليها تفور فورتين بس

واذا حابه سوي هيل مطحون بالمي شويه تعطيج ريحه ونكهه حلوه

وبعدين تشخلين البلاليط وتصبين عليها سكر وتردينه بالجدر مره ثانيه

انا اصبالسكر شويه وهي بالمشخل وخلطها ورجع اصب باقي السكر

وهي بالجدر وخليها على نار هاديه شويه وبالعافيه

نفس الطريقه
بالتوفيق

شكرا حبيبتي ع الوصفه ما قصرتي

انا احمر شوية بلاليط في الجدر مع الزيت وبعدين احط عليه باقي البلاليط واسكر النار
افور الماي واصبه على طول فوق البلاليط واشغل النار مرة ثانية تحته واخليه يفور اشوف الساعة من يبتدي الماي يفور مرة ثانية ويكمل ثلاث دقائق بالضبط اشيل البلاليط واشخله واحط عليه خمس فناجين سكر وهو في المشخل واخلط عدل وارجعه الجدر مرة ثانية واحطه على النار على نار خفيفة خمس او عشر دقائق وبس

يعطيكم العافيه بناااااات