شحالكم خواتي
الصراحه الأكلات اللي اشوفها في هالمنتدى روووووعه
و حبيت اطلب منكم طلب و لا تردوني
أريد طريقه عمل البثيثه (مجربه و لازم تكون لذييييييييييييذه)
و مشكووووورررررررررين
انا مشتهيتنها
المقاديـــر :
أربع أكواب دقيق
ملعقة طعام شمر
كيلو من التمر منزوع النوى
كوب سمـــن
نصف كوب سمسم
للتجميل لوز مقلي فستق مكسر خشن
الطريقــــــة :-
نقوم بتقليب الدقيق ( نشفشفه) على على النار حتى تتصاعد رائحة النضوج ننخله ونتركه جانبا
يضاف الدقيق وهو ساخن فوق التمر ثم السمن و نهرس التمر جيدآ حتى يتجانس مع الدقيق والسمن
ونضيف ملعقة طعام مثيبه او شمر ويبث الجميع باليد حتى يصبح كالفتات ثم نضعه في اناء محكم الغطاء نقدمه في طبق او على شكل كور او مرسوص في صينيه بطبقات الفستق الناعم ومقطع الى مكعبات
او مربعات ويضاف السمسم المحمص قليلا و اللوز المقلي قليلا والفستق على وجه الطبق عند التقديم
وهنيئا
اقولج ما شي مقادير
الا بالنظر
مثلا حسب كمية التمر
اول شي عفصي التمر وظهري منه الطعام
وهاتي طحين ابيض وحمسيه بروحه على الضو لين ما يستوي لونه جريب للبني
عقب هاتي صينيه عوده وحطي التمر في النص وانخلي عليه الطحين
ورشي عليهم الدهن الخنين موب اي دهن وتمي اخلطي و لا تحطين كل الطحين
عشان ما تظهر لج ناشفه عقب
انتي شوفي تحبينها في النهايه ناشه والا مدهنه
انا احبها مدهنه
وبس تكون منثره
شكلها جريب من الخبيصه
واذا تبينها مطوره فوري اليوز وخوزي عنه الغلاف وكسريه وحمصيه شويه
وحمصي لمثيبه شوي موب وايد
واخلطيهم ويا البثيثه
وحطي سمسم محمص بعد
ويم يم روعه
ودمتي بود
تسلم الأيادي