طريقه للعنايه بالبشرة الجافه بجربها وحبيت أنقلها لكم للي حابه تجربها

شحالكم يا بنات ويا حريم

شفت فيديو عن طريقه سهله و مضمونه للعناه بالبشره الجافه و قلت بنقلها لكم

أنا راح ابتدي فيها بس اسير أشتري بعض الأشياء الي مو متوفره عندي حاليا

الفيديو

https://www.youtube.com/watch?v=1KIrsKwu0K0

تيبين غرشه سبريه فاضيه نفس هذي

و تحطين فيها ماي و ملعقه شاي من سيروم جليسيرين

الخطوات:

في الليل آخر شي قبل لا ترقدين تحطين فيدج السائل الي متعوده تنظفين ويهج فيه و فوقه ملعقه كوب من بيكربونات الصوديوم بيستوي مثل السكراب و تنظفين ويهج فيه لمدة دقيقه كامله

عقب تشطفين ويهج فالماي و تيبين سبري الماي والجليسرين الي سويتيه و ترجين الغرشه عدل و ترشين منه ع ويهج و تسوين مساج خفيف بس أنج توزعينه ع ويهج

وعقب ييبي زيت زيتون أو زيت جوز الهند أو زيت اللوز الحلو (الي تفضلينه أنتي) و وزعي شوي منه ع ويهج

عقبها تاخذين شوي من الفازلين العادي وتحطين ع ويهج لأن الفازلين بيسوي طبقه فوق الزيت الي حطيتيه وبيحافظ عليه ع البشرة لمدة أطول وبجي بتترطب البشره عدل وسيري ارقدي ونصيحه غطي مخدتج بفوطه أحسن عن تزيت

والصبح أغسلي ويهج عادي وراح تحسين بالنعومه والفرق فالبشره و يفضل ترشين من الماي والجليسرين كل يوم قبل لا تحطين كريم الترطيب الي انتي متعوده عليه

وممكن تسوين هالطريقه مرة أو مرتين فالأسبوع ع حسب شده الجفاف فبشرتج

إن شاء الله تستفيدون من الطريقة أو نستفيد لأني أنا بجربها قريب إن شاء الله