والله ما اعرف انا بعد مثلج
بس الحمد لله هالهم نعمة خلاني أتقرب من ربي أكثر وأكثر
بقولج الاشيا اللي ترومين تسوينها، وأذا حسيتيها وايد ابدي بالتدريج
1- عندج أذكار الصباح والمساء داومي عليها دوم، أذكار الصباح اقريها بعد صلاة الفجر وأذكار المساء بعد صلاة العصر، لا تقولين عقب بقراهم لا اقريهم بعد هالصلاتين لأنج بتتكاسلين عقب وماراح تقرينهم.
2- خذيلج تفسير القرآن اللي يكون شامل تقريبا مثلا قصة نزول آيات معينة وشرح وافي مب بس اللي فيه تفسير معاني الكلمات، وكل يوم اقري عدة صفحات وردي على الآيات واقريها من القرآن لين ماتفهمين كل كلمة فيها بدون ماتردين عالتفسير، وإن شاء الله تختمين القرآن وانتي فاهمتنه كامل. ويوم تين تقرين القرآن بتدبر راح تنزل دموعج بدون ما تحسين. وأنا أول شي قريت تفسير السور اللي دوم نقراها مثلا الفاتحة والاخلاص والملك والكهف، هالشي بيساعدج انج تخشعين فالصلاة أكثر.
3- قبل ما تبدين تصلين صلي على النبي عليه الصلاة والسلام واذكري الله وسبحيه عشان تبعدين عنج وساوس الشيطان وتصفين ذهنج من أمور الدنيا
4- كل ليلة اقري سورة الملك لأنها تنجي من عذاب القبر وماراح تاخذ منج أكثر من 5 دقايق إن شاء الله
4- صلي النوافل، ابدي بالتدريج مثلا أول اسبوع التزمي بسنة الفجر وثاني اسبوع صلي سنة الظهر بعد، وجي يعني لين ماتتعودين تصلينهم كلهم
5- بعد كل صلاة استغفري الله 100 مرة وعديهم بأصابعج، وفي الأوقات الثانية اللي تكونين فيها مشغولة في شي وماترومين تستخدمين أصابعج استغفري بدون عد، استغفر الله استغفر الله وجي يعني، ولسانج عقب روحه بيتعود
6- عندج بعد قيام الليل، وحدة من الخوات حطت فكرة حلوة، نشي قبل الفجر بساعة، ربع ساعة صلي فيها ركعتين القيام وركعتين الشفع وركعة الوتر، وربع ساعة ادعي، وربع ساعة استغفري، وربع ساعة اقري قرآن، ويوم يأذن الفجر رددي ورا الآذان وصلي سنة الفجر والفرض وقعدي اقري أذكار الصباح، إذا صعب عليج تسوين جي أيام الداومات، نشي وقت الإجازات وفي نهاية الأسبوع، وأذا حابة بعد تكملين قراية القرآن بعد صلاة الفجر لين ما تتطلع الشمس حلوو، جريب ما تطلع الشمس رفعي الستاير وقعدي عدال الدريشة واستغفري وجوفي هالمنظر الحلو، ويوم تشرق الشمس خلاص صلي الضحى وراح ترقدين وانتي مرتاحة إن شاء الله، وراح تحسين بسعادة كبيرة.
7- حطيلج حصالة كل يوم حطي فيها مبلغ قليل حق التبرع ونهاية الشهر تبرعي فيهم بدون ماتعدين كم جمعتي إذاحابة.
هاي بعض الأشياء اللي ترومين تسوينها، وإن شاء الله راح أذكر أشيا ثانية المرة الياية لأني تعبت p=
بس ما اوصيج اختي كل شي سويه بالتدريج لا تثقلين على عمرج مرة حدة، وإن شاء الله روحج عقب بتعرفين شو تسوين