مب راضية ترمس او تقول حتي كلمات بسيطه
لانها عنيده وعصبية ومزاجيه
حاولت اكرر معاها كلمات بس كله تقعد تخربط وتبا تهرب بسرعه
دخلت اكثر من موقع لكن ماشي فايده حتي فيه برنامج لتعليمهم
واخذت لها العاب تعليمية وببغاء يردد الكلام
لكنها كسرتهم ساعدوني فيها ومتي يبدا الطفل بالكلام
ويا امهات عطوني طرقكم ومتي بدا طفلكم بالكلام
يمكن المشكلة في السمع مب في النطق
وثاني شي هل هي االبنت البكر …@2@ لأن البكر أغلبهم يتأخرون في الكلام يمكن على عمر 3 ولا 4 يبدأ ها شوي
ثالث شي جربتي تدخليها حضانة ؟؟ ترى وايد أهل عيالهم بدوا يتكلمون بعد ما دخلوا الحضانة حتى مب شرط تكون البنت البكر أذكر مرة وحدة من امهات هي تشتغل في مؤسسة زايد لرعاية الإنسانية ولدها ما فيه شي الحمدلله لكن كلامه ملخبط ما تعرف شو يقصد قالها الدكتوووور دخليه حضانة وبيرمس والحين ما شاء الله عليه
رابع شي وهو الأهم كــــــــــــــــــــــــم لغة تتكلمون في البيت؟؟؟ هالشي وااااااااايد يأثر على الطفل
ربي يسعد ويســــــــهل أمورج
تضرب اختها اللي اكبر عنها
واهيه تسمع عدل انا تاكدت بنفسي بس السالفه انها مزاجيه
تخيلوا شو تسوي ماتخلي اي شخص يشوف تلفزيون غيرها
مثلا تضربه بالريموت او تطفي التلفزيون من النقطه الاساسية
او توقف جدامه
ولما نمل نحطي ليها قنواتها وتتمركز بكرسي خاص وتقعد تشوف
بكل هدوء
احس شخصيتها قوية
امممم…
تسولفين وياهاا؟؟
حتى لو ماتفهم .. كلميها
سولفي لهااا عن يومج..
شو سويتي..
خلي اختها ترمسهاا
ابوهااا..
يعني لا تقولون هاي ياهل مابنسولف وياهااا…
تحفيظ الكلمات بروحه ماينفع..
لازم من نفسها بعد تسمعكم وتقلدكم
من خلال الاحتكاك والسوالف وياااهااا..
ولو شي يهااال بعــد في عايلتكم…
خليها تحتك فيهم
ويسولفون وياهاا
اشتريلها كتب..
على قد سنهااا
الصـــور اتكوون فيها كبيـــرة ومميزة وتجذب..
وحاولي تعلمينها
او اساليها شو هذا؟
وشو هذا؟
هاللي اعررفه
من خلال اللي شفته في عيال خالي
وفي بنتي ^^
الله يوفقج 
هذا مو فحص سمع
هناك عده اطفال يسمعون بس توصل الاصوات ضوضاء مو كلمات
فلازم فحص سمع بالاول