سلام عليكم خواتيه
بغيت اليوم نرمس عن حالات الأطفال الي يرمسونهم بالانجليزي من هم صغار
شو رايكم هل فعلا تتقوى عنده اللغة أو اللغة العربية عنده بتكون عاثرة:1 (25):
شوفي الغاليه احس ان الطفل بيتخربط شي بلغتين انتي شغليله افلام كرتون انجليزي وهو بيتعلم مثل بارني وااايد حلو
اعيالي ماشاءالله عليهم
اكلمهم عربي و انجليزي. و الحمدلله يفهمون الأثنين.
و الكبير ماشاءالله عليه تبارك الرحمن الحين عمره 4 سنوات تقريبا معاي يتكلم كويتي, مع ابوه يحاول يتكلم ماراتي لكن ما يعرف عدل لأنه اربعه و عشرين ساعه مجابلني. و مع امي الله يخليها لنا يارب يكلمها مصري مع الويه. و مع الخدم انجليزي.
ماشاءالله عليهم اليهال بالعمر الصغير يكتسبون اللغات و اللهجات اسرع من غيرهم يا اختي.
اكلمهم عربي و انجليزي. و الحمدلله يفهمون الأثنين.
و الكبير ماشاءالله عليه تبارك الرحمن الحين عمره 4 سنوات تقريبا معاي يتكلم كويتي, مع ابوه يحاول يتكلم ماراتي لكن ما يعرف عدل لأنه اربعه و عشرين ساعه مجابلني. و مع امي الله يخليها لنا يارب يكلمها مصري مع الويه. و مع الخدم انجليزي.
ماشاءالله عليهم اليهال بالعمر الصغير يكتسبون اللغات و اللهجات اسرع من غيرهم يا اختي.
الطفل كل ما كان صغير كل ما كان تعليمه سهل
والطفل الصغير يقدر يتعلم 5 لغات في نفس الوقت
وما راح يخربط أبد
أنا والمربية انكلم عيالي بالإنجليزي
والباقي اللي في البيت يدته وعمته وزوجي
يكلمونهم عربي
وما شاء الله عيالي أتقنو اللغتين
مع إن الكبير توه ما كمل الثلاث سنين
بس تعالي شوفي كلامه بالأنجليزي محلاته
وأنا سجلته بالحضانة وهو عمره صغير ويوم
سوووووووو له الانترفيو تجاوب معاهم مع أنهم
كانوووو أجانب ويكلمونه بالأنجليزي
بس الحمدلله ما فشلني
صدقيني في الزمن هذا لازم يتعلم الشخص أكثر من لغة
خصوصا وأن مناهج التعليم عندنا وايد تغيرت
مافي مانع ان الطفل يتعلم اكثر من لغه لكن اهم شي اللغه العربيه تكون رقم 1..
انا بنتي تكلم مدرساتها انجليزي ونفس الوقت تلف علي تكلمنيي عربي ونفس الشئ مع الخدامه حتي لو كلمتها انجليزي ترد علي عربي
بس اهي متعلمه من المدرسة انا ماعلمتها