طفلي الاول علمني !

بصراحه انا اتعلمت ايش كثر امي وابوي تعبوا علينا
قبل لا يكون عندي بيبي كان عادي معاملتي لهم والحمدلله كلها خير وحب مثل اي وحده مطيعه لامها وابوها
بس بعد ما مريت بتجربه الحمل والولاده والتربيه
حسيت اكثر بفضل امي واوبوي علي وكيف انهم تعبوا علينا الين ما وصلنا الى اللي نحن عليه والحمدلله
والله يقدرني اني اكون البنت الباره بامها وابوها
عشان اولادي يكونوا مثلي
وهذا اللي اتعلمته من بنتي

ولدي الاول او اولادي الثلاثه علموني :
كيف اكون طويلة البال , التحمل والصبر
قبل يوم كنا اصغار يوم كنت اشوف امي اتعصب على اخواني الصغار واشوف حالتها ما بين شغل البيت وتربية الاطفال كنت اقول امي عصبيه وايد كله اتعصب ما كنت اعرف اش كثر هي اتعاني
يوم ربيت بولدي كنت ما لحق اسوي شي وكنت اعصب وايد عرفت اش كثر تتعب الام وخاصه يوم يكون اكثر من طفل
ولدي علمني اكون صبوره واتحمل الكثير ما كنت قبل اقدر اتحمله
اكون طويلة البال وخاصه يوم يكبرون وتزيد مشاكلهم اصبحت اطنش مشغابتهم واتركهم على راحتهم
علمني ولدي كيف اكون مرتبه وانظم وقتي بين اولادي وبين شغل البيت .

ههههههه للحين ما تعلمت شي بس السهر تعلمته من ولدي ..

وان شالله يكبر وعلمه انا هههه فديت ولدي انااا ^^"

الللله يثبت حملي واشوف ولدي او بنتي جداااامي واتعلم منهم واعلمهم ^_^

يــــــــــــــاالله اتعلمت أحب ، هيه والله يا ختيه أول ما يا ما صدقت اشكثر احبه ، حتى تعجبت من نفسي!! بغيت صدري ينشق وادخله داخل من غلاه ما توقعت ان في حب هالكثر!! سبحان الله ويزاكم يا أهلنا خير عنا

ولدي الله يطول بعمره ويجعله من الصالحين انشاءالله مع انه عمره سنة علمني الصبر وطولة البال و حب الاطفال لاني قبل ما كنت اهتم للصغارية وايد بس الحين من اشوف اليهال اتخبل واتم اطالعه واسمي عليه
الله يخليلكم عياكم وعيال المسلمين