طفلي حجمه صغير

السلام عليكم ماميز
انا مربية من شهر وولدي يبته اقل من ثلاث كيلو بشوي وللحين ولدي شكله وااااااااااااااااايد صغير الي يشوفه يقول توه طاله من بطني حتى الثياب كل شي كبير عليه ولا شي كبره
شو اسوي اعيه رضعة صناعية عشان يكبر
والله يوم اشوف ويهه اخاف لانه صغيرووووووون
مين نتكم ولده او بنته جي صغار ومتى كبر حجمهم
والله قبل يوم اشوف اليهال اقول ياحليلهم صغار والحين يوم اشوف اليهال اقول ما شا الله تبارك الله الله يعطيهم الصحة والعافية لان ولدي يمب اليهال ولا شي فديت روحه

بنت اختي الحين كملت شهرين
وتشوفينها تقولين توه نازله من بطنها

عادي اختي اهم شي بصحه وعافية

لما ولدت بنتي كانت 2.5 وايد صغيرة وحتى لين الحين ضعيفونه بس الحمد الله بين فترة والثانية اراجع عند دكتورتها وهي الحمد الله زينه وطمني عليها بين فترة والثانية إنه هالشي عادي أهم شي الوزن و الطول يزيد ولا تقارنين بأي حد شوفي الدكاترة شو يقولولج وإن شاء الله ما فيه إلا العافية

الله يحفظه يارب

عدي بيكبر اهم شي تتاكدين من اكله هل طبيعي ولا اقل وخلوه من الامراض وبس"اعطيه 7 شهور وشوفي كيف رح يصير"

أنا ولدي الله يحفظه يوم ربيته كان وزنه 2كيلو و 900 جرام

يوم فش استوى 2,700 بس يوم طلع من المستشفى حسيت انه صغييييير و لبسته اكس سمول

الحمد الله عطيته صدري و يوم طلع من الاربعين عطيته صناعي عشان اساعده غير الحلبة و الينسون و الشومر و السنوت الحمد الله الحين بسم الله عليه ما شاء الله لا قوة الا بالله كبر ووزنه زاد الحمد الله رب العالمين

وزنيه في عيادة عشان تعرفين اذا زاد والا لا
تجنبي تعطينه شاي الاطفال ميلوبا وغيره
بس عطيه حليب
عن تجربتي وتجربة اختي مع بنتها الياهل من تعطينه شاي يأثر على نموه ( بجري توقف نموه من عمر شهرين لين اربع شهور!!!!!!!!) عقب انتبهت للشاي
حتى المستشفى نبهونا لهذا الشي

شكله الجيل الياي يصغرّ

انا ولدي نفس الشي ..ضئيل وايد

بس الحمد لله أهم شي الصحه