طفلي في الروضة لا يحب المشاركة !!

طفلي في روضة أولى .. وهو ذكي ولله الحمد ويحفظ بشكل سريع غير أنه لا يريد أن يقرأ السور أو يجيب على أسئلة المعلمة في الصف لأنه خجول جدا.. حاولت تشجيعه ولكنه يرفض الفكرة تماما .. أنا قلقة عليه هل يمكن أن يستمر هكذا حتى الابتدائية .. من تجد عندها حالة مشابهة من معلمات رياض الأطفال رجاء لا تبخل بالمساعدة .. كذلك كل من لديها فكرة من الأخوات فإني أرجو منها المساعدة .

إن شا ءالله الخوات

راح يساعدونج- وأنا بعد راح أفكر لج في حل

وين معلمات رياض الأطفال ؟؟؟؟؟؟؟؟وين أولياء الأمور ؟؟؟؟؟؟؟؟؟؟؟؟ما مرت عليكم حالة مشابهة ؟؟؟؟؟؟؟؟؟؟؟معقولة يا جماعة ؟؟؟؟؟؟؟؟؟؟:1 (25):

عزيزتي انا مدرسة في رياض الاطفال واجهتني مثل هذي المشكله ياما لكن كان تشجيع الام لطفلها اكثر فاعليه من دوري في الفصل …

طحتي على العوق

انا بنتي دشت الروضه ومب راضيه اتشارك في الصف نهائيا

احترت وخوفني اهلي والمدرسات يقولن متاكده بنتج طبيعيه..

وتمت الفصل الاول جذيه وعقب طلبوا اخصائيه نفسيه ويت المدرسه..

وانا كنت حاضره كانت البنت ماسكه فيني وماتطالع في حد عيونها في الارض..

قالت خلاص شليها وطرشيلي اكبر خواتها…

واختها العوده بصف ثالث ابتدائي…كملت اسبوووووووووع البنت تتكلم بس بشكل خفيف مب وايد..

وابتدت اتشارك واتقولي شو يصير في المدرسه..انا تعجبت…سالت بنتي قلتلها شو اللي صار علشان اختج تتغير…مع اني كل شي سويته الها من تشجيع من اهتمام..

قالتلي ان الاخصائيه قالتلها تمي سولفي ويا اختج بينج وبينها وقوليلها انج بتعطينها هديه اذا قالت للابله واذا شاركت …وكل يوم تكلمي وياها وخصوصا عند الرقاد فالليل …

ولان بناتي ربي يعطيهن الصحه متفهمات على بعض وكل وحده اتخاف على الثانيه وتحرص عليها كانت تسمع من اختها كل حرف والحمدلله الحين بنتي ماشاءالله…

بتسير روضه 2 واحس انها بتكون زينه بس هذي تجربتي مع بنتي ..

وان شا ءالله تستفيدين..

عادي نفس اعيالي كلهم لمدرسين يشتكون من صموتهم وهم الحمدالله شاطرين بنتي اولاعدادي تحسنت شوي

هلا السعاده … الله يسع ايامج

انا ولدي كان مسولهم ازمه في الروضه كل الي في الروضه اعرفونه من كثر صياحه

وما كان يشارك اذا سكتوه بييلس ساكت وبس يطالعهم و يلعب بروحه وما يعرفون يطلعون شي منه

في اجازة الربيع وديته عوافي و ركبته الدراجات و صورته و ركبته الخيل و ووديته الالعاب

وصورته وهو يلعب و يا اليهال و يفوز عليهم و هو يلعب في الرمل و هو في البحر

و شاركته في المسيره في احتفال فوز المنتخب و لونت وجهه و صورت كل شي

يعني سويتله جو حاااااافل بالانشطه

و بعدين سويت له البوم بهذي الصور وما خليته يشوفه واول يوم راح الروضة في الفصل الثاني

جربته نفس اول ماشي تغير

اليوم الثاني وديته الروضه …. وبعدين عطيت المعلمه الالبوم وقلت لها اعرضيه على الاطفال

اول ما عرضته تم يضحك و المعلمه تسأل سو هذي الصور ويسوي الولد وين هو كان

جان يتكلم ويقوم ويشرح الصور صوره صوره

وتغير الحال وصار عادي عنده يكلم المعلمات واي حد يدخل الصف

استوى اربيع الاداره و المعلمات في المدرسه كلها

اصدقين عاااااد بسيط الموضوع

جربي