طفلي وليدي حبيبي يعاني من التأتأة

كيف حالكم خواتي العزيزات

مثل ما قريتوا العنوان ولدي عمرة خمس سنوات ويعاني من التأتأة….يفافي

ويوم يتكلم يحرك يده واايد عشان يتكلم واذا كان خايف او قلق تزيد التأتأة

والسنه هذي بيدخل الكي جي وانا خايفه عليه وااايد …… اخاف المدرسه ما تراعي حالته وااااخاف اكثر ان الاولاد يعايبون عليه

منو عندها طفل نفس حالة ولدي وهل راحت عنه التأتاة ومتي وكيف

شكراااااا

الله يعافيج ويعافي كل غالي عندج مشكورة الغاليه على ردج

اذكر ولد أخوي..يته فترة تم كله يتأتأ..

بس بعد فترة راحت…
وأن شاء الله تروح

بس علشان تطمنين أنا اعتقد لازم تعرضينه على أخصائية نطق، في أي من مراكز ذوي الأحتياجات

لأنه بتقيم حالته، هل هي مؤقته، أول بتم وياه…ومن الأفضل تشوفة أخصائية النطق الحين..لأنه عادي تروح بالتدريب
عندهم أساليب ما شاء الله..يعلمون الطفل النطق الصحيح

ملاحظة: ما اقصد انه ولدج من ذوي الأحتياجات ، أو فيه اعاقة…لا…أنا بس اعتقد انه اخصائي النطق..يعرف
اكثر من المدرسين..

مشكورة عزيزتي مريومه وان شاءالله تحصلين الوظيفه الي تبينها وما ذلك على الله بعزيز

عادي حبيبتي بس اذا كان وااايد انتي وديه عند هذا اخصائي نطق

انا اختي عندها التاتاه وللحين وعمرها 10 سنوات وصدقج بعض المعلمات ما يراعون هالشي ماشاء الله عليها شاطره بس في معلمات الله يهديهن يحبطونها ..لانها تفافي المفروض يراعون وانتي اول يوم في الكيجي خبر المديره والابله مالته بحالته وربي يشفيه