انا عندي ضائقة مالية انا و بو عيالي على قولتهم
انا اشتغل و ريلي يشتغل و نجمع درهم درهم حق بيت عمرنا
والله ان ربع ع نص ع درهم نحاول نمسك عمارنا
و الحمد الله البيت باسمي و باسمه
ماخذينه بالدين كل شهر ادفع و زوجي يدفع للبنك
مرتاحين و لله الحمد
الحمد الله رب العالمين حتى حياتنا الشخصية صارت احلى من قبل
و خفت المشاكل علينا
يعني حياتنا تغيرت 360 درجة
لكن المشكلة
من يوم ما اشتغلت و انا اعطي مبلغ مالي شهري للوالدة و لمدة سنوات و للعلم حالتها ممتازة جدا و تشتغل و غير الوالد يعطيها مصروف شهري مع ان والدي ما يرضى ان اعطيهم
و مرات احاول اتهرب من باب ابغي اعرف بتطلب مني او لا
و لكن تتصل و تعصب و تقول ليش ما تعطيني
و زوجي نفس الشي اهله يتصلون فيه و نحن محتاجين
و الله يشهد علي اني اعاتبه يوم ما يسأل عنهم او يعطيهم لو شي بسيط مب باب بر الوالدين
عندهم مصروف و راتب خيالي وما عليهم اي دين و عيالهم رواتبهم خيالية الله يحفظهم و يرزقهم وما عليهم ديون و مب متزوجين ولا عندهم عيال
ام زوجي كله تتصل فيه ابغي و ابغي و عندها ولدها راتبه 50 الف الله يحفظه ما تطلب منه خير شر وما عليه لا دين ولا زوجة ولا التزامات مادية ابدا
وكلما شافت اني سافرت او رحت او غيرت في البيت
تغار ان ولدها سووى للعلم نحن الاثنين نسوي مع بعض
وكلما تقول هذا يديد اقول انا سويت عسب تسكت و ترتاح
انا ضايعة لا فلوسنا تكفينا لين اخر الشهر
و غير هم اهالينا ع عيني و راسي سنين اعطيهم و تعبنا
و نستحي تقول لا كلمة لا استحي منها
ابغي افاتح الوالدة بالموضوع اخاف تزعل و تتحسس للعلم هي تعرف باللي امر فيه
و لكن ما تبالي و كأنه فرض علي اني اعطيها كل شهر و المبلغ كبير بالنسبة لي
و زوجي نفس الشي يستحي يقول لاهله و يقولي فاتحيهم انتي
ومب قادرة ما ابغي اخسر حد
بو العيال واييييييييد يستحي من اهله ينحرج كل شهر طالعين لنا بموال
نبغي نغير المطبخ ،، نبغي خدامة يديدة ،، نبغي صيانة للبيت …….. الخ
يعني احس حاسدينا على البيت يقولون دامه سوو لبيته نبغيه يسويلنا بعد
انا مشكلتي في البداية كنت ساكنة مع اهل ريلي و كله يسحبون من ريلي
قلت بسكن في بيت بروحي برتاح من طلباتهم المستمرة و بستقل و بتخف علي المشاكل
رايكم خواتي ما ابغي اخسر حد
شو اسوي يوم الكل يعرف باللي نمر فيه ومب حاسين
و سامحوني طولت واييييد عليكم
اما انج تكلمين امج ما انصحج بتزعل بتزعل لا تفكرين بالي تعطيها ياه انسيه اعتبريه قرض للبنك انسيه عشان ما تزعلينها بس مثل ما قلت لج وضحي الصوره الي انتم عايشينها من ضيق في الماده .
عسى الله يبدلج خير ويبدل زوجج خير والارزاق على الله المبلغ الي يقدمه زوجج او انتي لأهلكم لكم اجر فيه كبير يبعد البلاء عنكم ويسعد اهاليكم ويحقق الرضا منكم فكل هذا يهون عشان هالامور ..
الله يسر اموركم اختي .
بس ما لج إلا حل واحد …
اتغدي فيهم قبل ما يتعشون فيج
انت وريلج اطلبوامن اهاليكم قبل ما يطلبون منكم
اطلبوا ..اطلبوا …
قولوا محتاجين نشتري غرض فلاني …نسد دين فلاني
و اطلبوها عطيه …مب دين …
تفاتحين ان فلوس ماتكفييييهم بتفجين نار جهنم بتقول شو دخلها ولدي ما اشتككي ليش تتكلم و و و و وبتحتشر
خلي رمسه تظهر من ولدها افضل ولاتسوين مشكله مالاشي باجر تسكنين بتم حاطه بخاطرها عليج
بتقوول ظهرت ولدي ولا تريده يصرف عليييه
خله يمسك اخووة احسن حل
ويكلمه يقول انا ارتب لبييييتي شو رايك نحط مصروف لامي انا وانته نسااعد انا معاشي مايكفيييييني
لاتقولين يستحي يستحي خله ساكت احسن عيل ويتأأأأزم
خله يتكم بما ان هو ريال والكلمه كلمته ولا متى بتكلم.! علمييني ..
قولي له فديتك مافيها شي مره تكلم اخووووك اخوووك هذا شو فيها بيفهم عليييك
يكلمه يقول له يدفع معاه كل شهر و
او مره يدفع هو شهر
ومره اخوو ه يدفع شهر اللى عقبه
يتساعدوون
وانتي يوم بتروحين بيت ماماتج
دائما اسخدم هاي طررريقه واتيب وااااااايد نتييجه طريقه غير مباشره
سوووى ياج اتصال وحط تلفون ع صامت وسوى عمرج تتكلمييين فيه
جدام امج وابوج وخلج بعيد شوي عنهم بس يسمووونج واون تكلمين حد يطلبج فلوس وقولي والله
انا ماعندي ولا درهم ويالله يالله ادبر اموووري لين اخر شهر ولا فلس عندي
اون حد يطلبج فلوس او مسويه حد حساب
قولي يالله اصبر علي بدفع حسااااابك شو اسوي من شهرين مادفعت انا ماعندي فلووس كل اللى اييييني يرووح
مايبقى لي شيييييييي.. واون حاولي تهدين وقولي بشووف هذا الشهر الله كريم
وسكري
ههههههههه
من كان له حيله فليحتااااااال
وخليييج ذكيه وسيااااسيه
جيه وصلت رساله لماما .. بطريقه غيرمباشره
وان ماظبطت كلمي حد من خوانج الكبار يفهمووووووونها انتي تمرين بفتره لين ربي يفرجها عقب ماتقصرين فيها
خلي اتكون عنده الجرأة
نفس ما قالو البنات .. اتشكي يوم تسيرين بيت اهلج وقولي كان فخاطري اييب هالشي بس ماشي فلوس ., وابا ادفع هالدين ومافي فلوس . ووووالخ
وهو بعد يسوي نفس الشي
ويطلب من اخوه يساعده ويعطي اهله
الله يعينج يارب
صدق انكم حريم بجربهم ان شاء الله