مرحبا حبايبي ابا طريقة العيش الصيني ابا اسويه باجر غدى حق الاهل عزومه عندنا فديتكم فيدوني
انا بعد بسوي باجر خخخخ
اول شي سوي العيش ثوريه و خطيه معاه الخضار المشكله الي تكون مثلجه ومقصصه مكعبات الجزر و البازلا وباقي التشكيله
و حطيه في مشخله لين ما الماي رووح كله
في مقلاه كبيره الي اتي غزيره
حطي زيت و بعدين البصل و بعدين الدياي ويفضل صدور مقطع مكعبات او ربيان حسب الرقبه
وبعدين تكسرين بضتين اذا تحبون البيض في الاكل وبعد البيض فلفل بارد مقطع شرايح طويله و بصل اخضر
بعدها مكعب ماجي + فلفل اسود + ملح الصويا ( اجينا موتو ) ملعقه صغيره+ ملح + صويا صوص الكميه الي تبينها يعني تبين لون العيش بني وايد تزيدين وخليه شوي ع النار و بعدين ضيفي العيش فوقه و اخلطيه زين
هذا فرايد رايز
فيه طريفه ثانيه انه تحطين الخلطه مال اللشياط في الجدر و تضيفين فوقه العيش و تصيفين ماي مقدار انجين فوق العيش و تخلين العيش ينضى يعني نفس الكشري
وهني و عافيه
تقدرين تزيدين قرون فلفل حار و ثوم و زنجبيل
تسلمين الغاليه ربي لا حرمني منج وانشالله نخدمج
…………