طلبتكم يا امهات ساعدوني؟؟؟

هلا خواتي شحالكم

انا عندي طفله وحده والحمد لله وعمرها الحين ثلاث سنوات ونص بس في عندها عاده مضايقتني وااااايد وهي انها تاكل اظافرها وماشي تم اهي ما كانت جذا قبل بس شافت حميتي تاكل اظافرها فقلدتها ومن ذاك اليوم وانا احاول وياها تبطل هالعاده مب قادره وتعبت والمشكله اظافرها دوم فحلجها حتى لو كنا برع اهزبها واقولها عيب ماما تقولي انزين وماتظل دقايق وترجع تاكلها فبليز الي تعرف شو اسويلها ع اظافرها عسب تكره تاكلها تقولي وجزاكم الله خير
فانتظاركم

للرفع

والله حبيبتي أنا شخصيآ ما عرف بس عندي صديقة كانت تعاني من هالمشكلة مع بنتخا قامت تصبغ أظافر بنتها بصبغ أحمر نفس حق الكبار قمت الصغيرونة حبتهم وعسبت ما تشيل الأحمر تركت هالعادة
بعد تدرين البنات الصغار يحبون هالسوالف يبيلها ألوان صبغ خلها تلعب فيهم وتصبغ أظافرها جربي الفكرة يمكن تنجح وياج

عندي بنت كبر بنتج بالضبط ونفس الحاله اللي في بنتج لين اليوم مالقيت إلها حل!!!!
لدرجة أنها صارت تاكل ظفور ريلها بعد!!! وصرت أظربها لأني جربت كل الحيل والطرق مافي فايده,,
ألحين ما تاكلهم قدامي أبدا بس كل ما أشوف ظفورها ألاقيها ماكلتنهم ماتعطيني فرصه أني أقصهم لأنها شغاله عليهن!!!
مرات والله العظيم تنخش ورا الباب أو الستاره وتقعد تاكلهم!!!!

على فكره جربت طريقه المناكير مافي فايده !!!
و وصفت لي دكتوره مناكير طبي ينحط عالأظافر له طعم كريه مقزز عشان كل ماتطعم الطعم هذا ما تاكله,,,
بس بعد مافيه فايده!!!!!

الغلا شي صبغ اظافر في الصيدليات يبيعونه حق اللي ياكلون اظفورهم عشان يبطلون هاي العادة. وطعمه وااااايد مر.. كلمي الصيدلي وشوفي اذا يناسبها او لا

جربت هالشي وصبغه اظافرها ونفس الشي تاكل الالوان فخفت وما احب اصبغ اظافرها لانه بالاصح اظافرها واايد صغار