هذي اول مشاركه لي وللاسف وانا اعرض مشكلتي خواتي ماعندي حد اشكيله همي غيركم انا كنت احب زوجي قبل الزواج لمدة 4 سنوات صارت فيهم اشياء واشياء من مشاكل وزعل وغيره المهم تزوجنا وصارلي تقريبا سنه حياتنا ماشيه تمام التمام حب ودلع وغرام وفي يوم لمحت عنده تلفون وحلف واقسم انه ماعنده شي ومرت الايام وانا دايما اقول مصير المتخبي يبان وفعلا طلع هنده تلفون وارتبك وقلتله عطني اشوف الارقام مارضى وابتدت الشكوك والضنون تلعب فيني مره يمين ومره شمال وكل يوم نكد ليش ماترد علي وليش اصلا انت عندك تلفون ومن هالكلام لين وصلت اني ماطيقه ابد احس انه يكذب علي وطلبت الطلاق وانا ماعندي عيال منه.
اتمنى خواتي اللي مرت بهذاالشي تقولي شو سوت وهل انا صح لاني وايد تعبت وتعبته معاي.
ردوا علي ياخواتي الله يزيكم خير
وبعدين يالغاليه مادري احس انه سبب مايسوى انج تطلبين الطلاق لانه عنده تلفووون !!!
انا جيه فهمت من الموضوع
بما انه ما خذنج عن حب حراااااام تضيعين حبج و ذكرى 4 سنوات بالطلاق لا سمح الله… المهم بما انج تعرفينه اكيييد تعرفين نقاط ضعفه و شو الاشياء اللي حببته فيج حاولي تذكرينه فيها بس بالافعاااال يعني من دوون كلام … وهاي الاشياء ما فيها لا كبرياء و لا تنزييل من مستوااج حبيبتي بالعكس انتي تحافظيين على بيتج و حياتج الزوجيه حاولي عشاان حبكم و الله حراام وجوفي النتايج و اذا اذا ما نفع و ياه حاولي تتكلمين معاه و تتفاهمين و تكشفين سبب و جود التيلفون المخفي بهدوء و بكل تفاهم كلميه و اساليه اذا قصرتي فحقه بشي.. افتحي صفحه يديده بيضا امبينكم و بجي بتكونين سويتي اللي علييج… و اهم شي انج ما تدخلين حد من الاهل فالسالفه لانها بتكبر
والله يهدي سرج و يصلحكم ان شالله
ترا ابغض الحلال عند الله الطلاق
الله يهديكم ويسخركم لبعض
وهالسبب مايخليج تططلبين منه الطلاق ادري انه شي كبير بالنسبه لج وجرحج بهالشي
بس مب انه تطلقين
فيه حريم يشوفون ريايلهم يخونونهم وجدام عيونهم ما طلبوا الطلاق
انا اقول استهدي بالله ودوريلج ع حل يوقفه عند حده
وان شالله اتكملون حياتكم في سعاده و وناسه بس اانتي فكري
وان شالله المعرسات بينصحونج
وبعدين انت عرفتي عنده تيلفون لكن ما عرفتي اذا يرمس ولا لا
واذا كان يرمس كل شي بيدج اترومين اتغيرين كل شي توج سنه ما كملتي وبتطلقين خصه مجتمعنا احنا تعرفين نطرة المجتمع للمطلقه ؟؟؟؟؟
حاولي صلي ادعي اطلبي من الله ومرة باللين ومرة بالشدة مثلا ادخلين هلج
والله ما انصحج بالطلاااااااق ابدا بعد استخير والله يفج حيرتج اخت وعزيزة
المشاركة الأصلية كتبت بواسطة واثقة الخطى 
وبعدين انت عرفتي عنده تيلفون لكن ما عرفتي اذا يرمس ولا لا
واذا كان يرمس كل شي بيدج اترومين اتغيرين كل شي توج سنه ما كملتي وبتطلقين خصه مجتمعنا احنا تعرفين نطرة المجتمع للمطلقه ؟؟؟؟؟
حاولي صلي ادعي اطلبي من الله ومرة باللين ومرة بالشدة مثلا ادخلين هلج
والله ما انصحج بالطلاااااااق ابدا بعد استخير والله يفج حيرتج اخت وعزيزة
اؤيد كلامج
انا عانيت نفس المشكله ولين الحين بس ماطلبت الطلاق احاول اني ماقصر وياه واحاول اني احل المشكله ببطىء و……الخ
سوري مافيني اكتب….
وترى كل شئ بالتفاهم لاتخلين كل شئ يروووح بلحظة غضب
وهو يحبج مستحيل يتخلى عنج
وهونيها بتهووون يعلني افداج