طلب لجميع الاخوات لي زارن صلاله ووطلب خاص للاخت المتفائله

اختي المتفائله , ممكن تحطين لنا أسامي فنادق وفلل

نظيفه وحلوه في صلاله مع اسعارها , لتعم الفائده , والكل

يستفيد ,, بسرعه الله يخليج لان الاهل ناوين يسافرون صلاله وبعد شو الاماكن الحلوه لاي عندكم والمهرجان وين بيكون هل يسون عندكم في المهرجان مثل القريه العالميه لاي عندنا واخواتي ولاي عندها معلومات عن صلاله
تخبرنا لان الاهل رايحين صلاله من زمان

ووينكم ؟؟ جيه ما رتيتوا على

بسرعه بليز

اولا المنطقه الاوكيه اللي في صلاله هي السعاده وانصحج فيها الان فيها فلل حلوه وواسعه واسعارها معقوله صح ان السنه رافعين الاسعار بس بعد امان وفللهم حلوه ونصيحه مني اذا عندج يهال بسيرون معاج لا تدورين فنادق بترتاحين في الفلل اكثر وخذوا فله مايكون راعيها في الطابق الثاني يعني فيلا دور ارضي … اما الاماكن فعندج عيون واماكن حلوه وااااااااايد انا توني يايه من صلاله وما كان ودي اسير عنها اولا عندج جبل اتين وتحته عين جرزيز وفي نفس الشارع هذا بتلقين مهرجان خريف صلاله وعندج عين رزات وعين اصحنلوت واروع شي دربات وشلالاتها والمغسيل وفيها النافورات الطبيعيه وكل هذا بتحصلونه في الخريطه اللي بيعطونكم اياها المركز السياحي اللي بيستقبلكم عند مدخل صلاله الصرااااحه رووووووووووووعه انا سايرتنها قولوا ماشا الله 6 مرات وان شاء الله بكررها لان عيالي بعد يموتون عليها
واقولج ترى مابضيعون لان مكتب تاجير الفلل في كل مكان والعيون اللي قلت لج عنها بتلقون لافتات اتدليكم عليها واذا ماعرفتوا انصحج تكتبين اسماء الاماكن في ورقه وسألوا هناك اي حد بيدليكم وترى الدرب بالضبط 12 ساعه تروحون وتردون بالسلامه
اقول لاتنسين يوم بتسيرون بتلقون اكشاك يبيعون فيها طيارات اشتري وطيريها حتى لو ضحكوا عليج العبي فيها بس في السيح مب الجبل عن اطيحين وتدعين علي خخخخخ
تراني كل ما اسير صلاله اطير واستانس واااااايد الله يونسكم ويردكم بالسلامه